Израилдик "Хаарец" гезитинде бүгүн жарыяланган маалыматка караганда, Бириккен Улуттардын баш катчысы Кофи Аннан Жакынкы Чыгышка тынчтык орнотуучу эл аралык күчтөрдү киргизүүнү сунуш кылууда. Анын пикиринде, андай бейпилдик күчтөр жөөттөр менен арабдар ортосунда 2000-жылдын сентябрынан бери уланып келаткан кагылышууларды токтотууга тийиш. Өткөн аптада Иорданияда АКШ президенти Жорж Буш жана Палестина менен Израилдин премьер-министрлери Махмуд Аббас жана Ариел Шарон жолугуп, тынчтык планын талкуулагандан бери бир нече террор аракети ишке ашырылып, жыйырма адам курман болду.
