Бүткүлдүйнөлүк саламаттык сактоо уюмунун өкүлдөрү “өнөгөсүз өпкө оорусу” деп аталган жаңы дарттын очогун жана анын түпкү себептерин аныктаганга аракет кылышат. Илдет Кытайдын дал ушул провинциясынан тарады жана түштүк-чыгыш Азиядагы бир катар өлкөлөргө жайылды. Медицинада белгисиз бул дартка чалдыккандар эки миңден ашты,андан каза тапкандар 80ге жетти. Алардын баары аталган региондо катталды, бирок илдетке чалдыккандар Европада, АКШда, Канадада жана Австралияда да аныкталды.
