АКШ Президенти Ж. Буш Германия, Франция, Россия жана башка өлкөлөрдүн Ирактын массалык кыргын салчу куралдарын издеп жаткан БУУнун каруу жарак эксперттерине көбүрөөк убакыт берүү өтүнүчүнө назар бурбаган сыяктуу. “Жаман фильм кайталангансып жаткандай көрүнөт. Ал (Саддам Хусейн) текшерүүнү улам кечеңдетүүдө. Ал алдоодо. Ал дагы убакыт суроодо. Ал инспекторлор менен мышык-чычкан ойноодо. Ал куралсызданбай жатканы анык”, - деген пикирин айткан Жорж Буш шейшемби күнү. БУУнун каруу жарак инспекциясы 27-январь күнү Коопсуздук кеңешине Ирактагы текшерүүнүн жүрүшү тууралуу маалымат бериши абзел.
