Ооган бийликтери төрт ууруну колго түшүрүштү

Ооган бийликтери жардам агенттиктеринен машина уурдаган төрт кишини колго түшүрүштү. Түштүк-чыгыш Забул провинциясынын акими Хамидулла Тохи уурдалган машиналар табылганын жана шектүү уурулардын кулатылган талиб өкмөтү менен байланышы бар экенин билдирди. Дагы башка уурдалган машиналарды издөө уланууда.
Жардам агенттиктери жана өкмөт өкүлдөрү өткөн аптада Забул провинциясында иштеген британ, америкалык жана ооганстандык жардам агенттиктеринен куралчандар жети машинаны уурдап кеткенин билдиришкен.