Иран баш калаасы Тегеранда 1000ден ашуун студент бүгүн да демонстрацияга чыкты. Алар үч күндөн бери реформачылардын жактоочусу, диссидент жазуучу жана интеллектуал Хашем Афхажари сот тарабынан өлүм жазасына кесилишине каршы нааразылык акциясын өткөрүүдө. Ирандын батышындагы Хамедан шаарынын соту Хашем Афхажарини исламга акараат келтирди деген айып менен өткөн аптада өлүм жазасына кескен. Иран парламентинин 178 депутаты да аны абактан бошотуу чакырыгы менен чыкты.
