Заманбап кыргыз кирил алфавитине қ жана ғ тамгаларын киргизүүнүн зарылдыгы тууралуу тарыхчынын блогу. Редакциядан: автордун жеке пикирин сөзсүз эле редакциялык турум катары кабылдоого болбойт.
Ысык-Көл форумуна келген Кыргызстандын мурдагы президенти Аскар Акаев Садыр Жапаровго "кыргыз экономикалык кереметин" улантууга дагы убакыт берүү демилгесин көтөрдү. Ормуз кысыгы ачылып, кемелердин кыймылы жанданды. Москвада “Садовод” базарында чыккан өрттөн тажикстандык соодагерлер жабыркады.
Агартуу министри Догдуркүл Кендирбаева мектептерде кыргыз тилин окутууга өзгөчө көңүл буруларын дагы бир жолу ырастады. Ал бул тууралуу Фейсбуктагы баракчасына жазып, соңку талкууларга жооп берди.
Папуа-Жаңы Гвинея – Тынч океанынын ортосунда жайгашкан, Австралия материгинин жанындагы өлкө. Бул жер тууралуу кыргыз коомунда маалымат болмок түгүл, аталышын билгендер да сейрек кездешет.
Саламаттык сактоо министрлиги Кыргызстанда 13 медициналык окуу жай аккредитациядан өтпөй калганын билдирди. Учурда ал жакта буга чейин окуп келген студенттердин санын тактоо жана башка окуу жайларга которуу жагы караштырылып жатат.
Президент Садыр Жапаров Виртуалдык активдер жана блокчейн-технологиялар боюнча кеңешти агенттик кылып өзгөрттү. Ал криптовалюта жаатында мамлекеттик саясатты жүргүзгөн туруктуу орган болмокчу. Жапаров тиешелүү кеңешти былтыр түзгөн жана эл аралык Binance криптобиржасынын негиздөөчүсү Чанпэн Чжаону өзүнө кеңешчи кылып алган. Бийлик анын жардамы менен Кыргызстандын алгачкы USDKG криптовалютасын чыгарган. Аз күн мурдараак Улуу Британия Кыргызстандын дал ошол компаниясына санкция салды.
28-29-май күндөрү Астанада ЕАЭБдин саммити өттү. “ЕАЭБ глобалдык санарип жарышында: жасалма интеллектке басым” деп аталган жыйынга Орусиянын, Беларустун, Казакстандын жана Кыргызстандын президенттери катышты. Армениянын өкмөт башчысы Никол Пашинян саммитке орун басарын жөнөткөн.
ЕФЭБге мүчө мамлекеттердин лидерлери Астанага саммитке чогулду. НАТОнун мүчөсү Румыниянын Галац шаарындагы көп кабаттуу турак үйгө орусиялык дрон тийип, эки адам жараат алды. Орусияга кирүүнү каалаган ар бир чет өлкөлүк эми атайын тиркеме аркылуу арыз калтырышы керек.
Интернет айдыңында Агартуу министрлигинин ишин сындап, министрди кызматтан алуу талабын койгон петиция тууралуу маалыматтар пайда болду. Буга байланыштуу министр Догдургүл Кендирбаева “Азаттыкка” маек куруп, мындай аракеттерди тыштан бут тосуу аракеттери катары кабылдап жатканын билдирди.
“75чилердин каты” иши боюнча айыпталгандардын адвокаттары шаардык сотко даттанды. Израилдин улуттук коопсуздук министринин жоругу сынга кабылды. Орусиядан Кыргызстанга келип иштеген мугалимдер тууралуу да "Бүгүн Азаттыкта" берүүсүндө айтып беребиз.
Саякат кемесинде жайылган хантавирустан үч киши көз жумду, дагы бир нечеси ооруну жуктуруп алды. Британиядагы Бата университетинин химия боюнча профессору, EnsiliTech компаниясынын негиздөөчүсү жана жетекчиси Асел Сартбаева хантавируска каршы вакцинанын үстүнөн иштеп жатат.
Бишкектеги Таштан Эрматов атындагы музыкалык -педагогикалык институттун студенттери эки күн мурда милицияга жеткирилген. Буга алардын окуу жайдын аталышындагы “музыкалык” деген сөздү калтыруу талабы себеп болгон. Институт жетекчилиги жаңы өзгөрүүлөр талапка ылайык гана жүрүп жатканын билдирди.
Дагы жүктөңүз
