Корей тектүү АКШ жараны эмне себептен кармалганы азырынча белгисиз экенин Рёнхап агенттиги расмий булактарына таянып маалымдады. Ким ысымдуу 50 жаштардагы эркек киши өлкөдөн тышка учуп бара жаткан учурда Пхеньяндын аэропортунда кармалган. Ошондой эле америкалык жаран мурда Кытайдагы Яньбянь-Корей автономиялык аймагындагы университеттердин биринде иштегени да кабарланууда. Ал Түндүк Кореядагы гуманитардык жардам көрсөтүүчү бир катар программаларга катышып жүргөн.
Ким акыркы жылдары Түндүк Кореяда кармалган АКШнын үчүнчү жараны.
