Өмүрбек Текебаевдин камалышында саясат жок. Бул тууралуу ушу тапта Бишкекте "Ала-Арча" резиденциясында орус президенти Владимир Путиндин расмий сапарынын жыйынтыгы боюнча өтүп жаткан пресс-конференцияда президент Алмазбек Атамбаев айтты:
- Мародерлорго, аларды калкалагандарга сабак болушу керек. Адамдар өлүп жатса айрымдар акча жасап жаткан. Текебаевге каршы көрсөтмө берген орус жараны адегенде арыз берүүдөн коркконун, себеби бул ишке Атамбаев да аралашкан деп ойлогонун айтып берген. Убактылуу өкмөттүн көптөгөн мүчөлөрү алардын да кыңыр иштери калкып чыгабы деп коркуп жатат, - деди президент. (RK)
