“Республика - Ата Журттун” президенттикке Өмүрбек Бабановдун талапкерлигин колдогон чечими фракциянын жыйынында бир добуштан кабыл алынганын анын мүчөсү Мирлан Жээнчороев “Азаттыкка” билдирди.
Мыйзамга ылайык, фракция өз чечими менен президенттикке талапкерди көрсөтө алат. Бул чечим партиянын жалпы жыйынында сунушталып, колдоо тапса, андан ары Өмүрбек Бабанов партиянын атынан талапкер болуп көрсөтүлөт.
Өмүрбек Бабанов - "Республика" партиясынын төрагасы.
Кыргызстандагы президенттик шайлоо быйыл күзүндө өтөт. Ага катышуу ниетин азырынча “Ак шумкар” партиясынын лидери Темир Сариев менен “Өнүгүү-Прогресс” партиясынын башчысы Бакыт Төрөбаев билдирген. (ZKo)
