Париж шаарынын мэриясы Алепподогу калабага байланыштуу Эйфел мунарасынын жарыгын шаршембиде кечинде өчүрдү. Калаа мэри Анн Идальго билдиргендей, дүйнөгө белгилүү эстеликтин жарыгын өчүрүү менен Париж эл аралык коомчулукту Алеппонун тургундарын колдоп-кубаттоого чакырууда.
Бүгүн Франция баш калаасынын администрациясынан Алеппого медициналык каражаттардан турган гуманитардык жардам жөнөтүлөт.
Апта башында тынчтык орноду деп айтылган Алеппо шаарында өкмөт күчтөрү менен козголоңчулар ортосунда ушул күндөрү кайра салгылашуулар күчөп кетти. (SE)
