Президент Алмазбек Атамбаев Өзбекстанга мамлекет башчы болуп шайланган Шавкат Мирзиёевди куттуктады.
Президенттик аппараттан кабарлашкандай, куттуктоодо Өзбекстанда Мирзиёевдин башкаруусунда мыкты өнүгүүлөр болору белгиленип, буга Атамбаев тилектешик билдирген. Ошондой эле кыргыз-өзбек мамилесинде ийгиликтер болоруна ишеним арткан.
Өзбекстанда президенттик шайлоо 4-декабрда өттү. Төрт талапкердин ичинен Шавкат Мирзиёев жеңишке жетти. (SE)
