Мамлекет башчы Алмазбек Атамбаевдин басма сөз жыйыны бүгүн Ысык-Көлдүн Чолпон-Ата шаарындагы Рух-Ордо комплексинде болот. Атамбаев быйылкы жарым жылдагы ишин маалымдап, журналисттердин суроолоруна жооп берет. Ага катышууга 50дөн ашык жергиликтүү жана чет элдик жалпыга маалымдоо каражаттарынын өкүлдөрү катталган.
Президенттин маалымат жыйынынын алдында 31-июлда Чолпон-Атада КСДП партиясынын курултайы өттү. Анда өлкөдөгү коомдук-саясий абал, жергиликтүү кеңештерге шайлоо, партиянын уставына өзгөртүүлөрдү жана толуктоолорду киргизүү маселелери талкууланып, саясий кеңештин курамы жаңыланды. (NT)
