Бул тууралуу ИИМдин коомдук коопсуздук башкармалыгынын башкы инспектору Рысбек Мүсүралиев “Азаттыкка” билдирди. Анын айтымында, Кыргызстан боюнча 319 өспүрүмгө издөө жарыяланып, анын 274ү табылган. Он беш жылдан бери 45 бала табыла элек. Балдардын жоголушуна, үйдөн кетип калышына көбүнчө үй-бүлөдөгү факторлор себеп болот.
Жоголгон балдар такыр табылбаган учурда маалымат базасына коюлуп, каттоого алынат. Кыргызстанда балдардын жоголуп кеткен учурлары маал-маалы менен катталып турат. (NT)
