Музаффар Исаков Социал-демократтар партиясынан Жогорку Кеңешке депутат болду. Мындай чечим бүгүн Борбордук шайлоо комиссиясынын жыйынында кабыл алынды.
Исаков Ашэра Халикованын ордуна келди. Халикова депутаттыктан мөөнөтүнөн мурда баш тартуу арызын жазган.
Парламенттин азыркы курамы былтыр күзүндө шайланган. Партиялык тизме менен Жогорку Кеңешке келгендердин айрымдары өз арызы менен, айрымдары фракциянын чечими менен мандаттан ажыраган. (RK)
