“Мемориал” укук коргоо борборунун Орто Азия боюнча координатору Виталий Пономаревду кыргызстандык чек арачылар 22-апрель күнү саат 2:00дө казак-кыргыз чек арасындагы Чалдовар айылында поездден түшүрүп салышкан. Укук коргоочунун “Азаттыкка” айтымында чек арачылар өздөрүнүн аракетин Виталий Пономаревго 2014-жылдын 1-мартына чейин Кыргызстанга кирүүгө тыюу салынганы менен түшүндүрүшкөн. Укук коргоочу ушуну менен экинчи жолу Кыргызстанга киргизилбей отурат. “Мемориал” укук коргоо борборунун мүчөсү Виталий Пономарев Ноокат окуясы тууралуу көз карандысыз иликтөөсүн жарыялап, КР күч органдарын сынга алган эле.(ZKo)
