БИШКЕК. Баш кеңсеси Лондондо жайгашкан Согушту жана тынчтыкты чагылдыруу институтунун Кыргызстандагы бөлүмүнүн директору Чынара Жакыпова “Данакер” ордени менен сыйланды. Бул тууралуу жарлыкка президенттин милдетин аткаруучу Курманбек Бакиев кол койду. Жарлыкта айтылганга караганда, Чынара Жакыпова республиканын билим берүүсүнө, илимге сиңирген зор эмгеги жана эл аралык кызматташтыкты чыңдоодогу иши үчүн ага татыктуу болду. Чынара Жакыпова буга чейин Билим берүү министри, “Сорос-Кыргызстан” фондунун жетекчиси болуп иштеген.
