Маданият

“Акылдын кенчин залкарларды ээрчип жүрүп таптым”

“Азаттыктын” сыябан-маегинин кезектеги коногу - белгилүү акын, жазуучу, журналист Нуралы Капаров. Калемгер жазуучулук өнөрдүн түйшүгү, барк-баасы, талант жана тагдыр, устаттык, шакирттик ымаланын барк-баасы тууралуу маек курду.

Кыргыз сүрөтчүлөрү сүйгөн эркиндик жана табият

Кыргызстанда Сүрөтчүлөр бирлигинин 90 жылдыгы белгиленүүдө. Анын алкагында Гапар Айтиев атындагы көркөм сүрөт музейинде уюмдун салттуу жазгы көргөзмөсү ачылды. Анда живопись, графика, скульптуралык ондогон эмгектер коюлду. Алардын ичинде экология, эркиндик темаларына кайрылган сүрөтчүлөр арбын. 

"Жети энени эмнеге билбейбиз?". Зомбулукту жектеген өнөрпоздор

Соңку убактагы аялдарга карата зомбулуктар чыгармачыл чөйрөнү да түйшөлтүүдө. Кээ бир маданият өкүлдөрү зомбулукка каршы биргелешип күрөш жүргүзүүнү сунуштаса, айрымдары кылмыш жасагандарды оор жазага тартуу керектигин коңгуроо кагып жатышат.

Кыштут: той чыгымын кыскартып, көпүрө салган тургундар

Баткендин Кыштут айылынын тургундары ар кандай мааракелерде ашыкча чыгымдарды кыскартып, элдин экономикалык абалын чыңдоо демилгесин ишке ашыра баштады. Чыгым кыскарганы айылдын жалпы ишине каражат топтоп, "Ашар" менен айылдын муктаждыктарын чечүү да жеңил.

Эки куданы чырдаштырган калың

Бири-бирин жактырган эки жаш окуусун бүткөн соң жолдошторун чакырып чай берип, баш кошконун айтып, мындан ары бирге түтүн булатарын билдирген. Алардын айылдагы ата-энелери болсо калыңдан улам таарынышып, сүйлөшпөй калышкан.

Заманбап балет труппасы бийчилерге дем береби?

Кыргызстанда алгачкы жолу 40 бийчиден турган заманбап балет труппасы түзүлөт. Бул тууралуу Маданият министрлиги маалымдады. Чыгармачыл топ Улуттук филармониянын курамында болору маалымдалды. Заманбап балет труппасына бийчилер кантип тандалып, кандай ишмердүүлүк жүргүзөрү тууралуу кеп кылабыз.

Ар доордун өзүнүн эрктүү жаштары чыга бермекчи

"Апрель окуясы бардык бийликке сабак". Таластагы эскерүү

14 жыл мурда ушул күнү Таласта башталган элдик толкундоо бир күндөн кийин Бишкекте уланып, ошол кездеги бийликтин кулашына алып келген. Анда президент Курманбек Бакиевдин үй-бүлөлүк башкаруу режимине каршы чыккан элге ок атылып 90го жакын киши набыт болуп, миңден ашууну жараат алган.

Кыргыз ысымдарын жана тилдерди изилдеген Какен эже

Өзбекстандагы перстердин өзгөчө үлпөтү

Өзбекстандын Бухара аймагында бир нече кылым мурда жер которуп келген перстер жашайт. Жергиликтүү тургундар аларды “ирони” же ирандыктар деп аташат. Перстер үчүн үйлөнүү үлпөтү шаан-шөкөт менен коштолгон чоң майрам.

Баткен театры заманбап имаратка муктаж

Баткенде Апаз Жайнаков атындагы музыкалык драма театрынын ачылганына 18 жыл болду. Театр жылына он чакты чыгарманы сахналаштырып, көрармандарга тартуулайт. Жакында алар Чыңгыз Айтматовдун “Кылым карытар бир күн” романынын негизинде Султан Раевдин "Маң-миң бир түн" спектаклин сахнага даярдашты.