"Азаттык" радиосунун Стамбулдагы кабарчысы. Кыргыз-түрк "Манас" университетин жана Стамбулдагы Йедитепе университетинин магистратурасын бүтүргөн.
Тажик парламентинде жашы жете электерге сексуалдык зомбулук жана ыдык көрсөткөндөргө жазаны катаалдатуу маселеси каралууда. Депутаттар мындай кылмыш жасагандарды ата-энелик укуктан ажыратып, балдарды тарбиялоого байланышкан жерде иштөөсүнө тыюу салууну сунуштап жатышат.
Өзбекстандын Ички иштер министрлигинин маалыматына караганда, акыркы үч жылда өлкөдө бала сатуу боюнча 185 факты аныкталган.
Түркмөнстандын Лебап облусунун бийлиги мамлекеттик кызматкерлерди жана мектеп окуучуларын кызыл мыянын тундурмасын (сироп) такай көтөрүп жүрүүгө милдеттендирди. Президент Бердымухамедов демилгечи болгон бул жаңы эрежеге ылайык, бул чөптүн ширеси ар бир кызматкердин кол сумкасында болушу керек.
11-январда Өзбекстандын Жизак облусунун Пахтакор районунун тургундары президент Шавкат Мирзиёев өткөн чоң жолду тороп, митинг өткөрүштү. Алар аймактагы электр энергиясы жана газ көйгөйүн айтып чыгышкан.
Казакстанда шайлоо күнү жакындаган сайын эркин байкоочуларга жаңы талаптар коюлууда. Эми байкоочулар ПЧР тестинин жыйынтыгы болмоюнча өлкөнүн башка аймактарына бара албайт.
5-январда Ташкент шаардык сотунда Сардаба суу сактагычындагы кырсыктын себептерин териштирген сот отуруму өттү. Бул иште 17 киши шектүүлөрдүн катарында. Тергөө Сардабадагы апааттан мамлекет 4 миллион доллардан ашык чыгым тартканын аныктаган.
Тажикстандын Саламаттык сактоо министрлиги жаңы жылдан бери өлкөдө коронавирус жугузуп алган төрт гана бейтап катталганын, ал эми ооруканаларда абалы оор бейтаптар калбай калганын билдирди.
Ондогон өзбекстандык жаран Орусияга киргизилбей, аэропорттон кайра мекенине жөнөтүлдү. Аэропорттун жетекчилиги өзбекстандыктарга алар кайсы мыйзамды бузганын түшүндүргөн эмес.
Орусиялык Антонина Зимина жана анын күйөөсү Константин Антонец мамлекетке чыккынчылык кылды деген айып менен узак мөөнөткө эркинен ажыратылды. Кылмыш ишин козгоого жубайлардын үйлөнүү тоюнда тартылган видео тасмага Федералдык коопсуздук кызматынын офицери түшүп калганы себеп болгон.
Тажикстандын борбор калаасы Дүйшөмбүгө Ооганстандын Улуттук Элдешүү Кеңешинин төрагасы Абдулло Абдулло барды. Эки тарап чек ара көйгөйлөрү жана чөлкөмдөгү терроризм маселелерин талкуулашты.
Британияда коронавирустун жаңы жугуштуу түрү чыкканына байланыштуу чек араларды жаап, авиакаттамдарды токтотуунун кажети жок. Бул тууралуу Саламаттык сактоо уюму билдирди.
Грузиянын борбору Тбилисиде коронавирустан дарылаган ооруканаларда орун тартыш болуп жатат. Ал арада Казакстан орус вакцинасын өндүрө баштады. Өзбекстан коронавирустун жаңы штаммы катталган сегиз өлкөнүн жарандарына убактылуу чектөө киргизди.
«Чек арасыз кабарчылар» эл аралык уюму «Turkmen.news» басылмасынын кабарчысы Нургелды Халыковду камактан бошотууга чакырды. Халыков быйыл жайында коронавирус боюнча абалды баалаш үчүн Түркмөнстанга келген Дүйнөлүк саламаттык сактоо уюмунун миссиясынын сүрөтүн тараткандан кийин камакка алынган.
Өзбекстандын президенти Шавкат Мирзиёев жаратылыш газын экспорттоону азайтып, алгач калктын муктаждыгын канааттандырууну тапшырды. Ушундан улам күнүнө аймактарга кошумча 7-8 миллион кубометр көгүлтүр от жөнөтүлүп турары айтылды.
Өзбекстандык белгилүү ырчы Жахонгир Атажанов «шариаттын мыйзамдарына каршы келгендиктен» музыкалык карьерасын токтотуп жатканын билдирди.
Өзбекстандын Бухара облусунун тургундары газ жоктугунан улам нааразылык акциясына чыгышты. Акцияга чыккан жарандар 60тан көп түтүнгө көгүлтүр от бир нече күндөн бери келбей калганына нааразы.
Быйыл май айынын башында Өзбекстандагы Сардаба суу сактагычындагы дамба жарылганда коңшу Казакстандын Түркстан облусунун бир канча айылдарын суу каптап, 10 миңден ашуун адам үй жайын таштап кетүүгө аргасыз болгон.
Тажикстандын Ирак менен Кувейттеги элчиси Сириянын бийлиги, Эл аралык кызыл чырым комитетинин өкүлдөрү менен жолугуп, бул өлкөдөгү качкындар лагерлеринде кармалып турган тажикстандыктарды мекенине кайтаруу маселесин талкуулады.
Дагы жүктөңүз
