Жалал-Абат облусунда быйыл кутурмадан үч адам каза тапкан. Мындай окуяларды облустук өзгөчө кырдаал башкармасы каттаган. Облустун санитардык башкы дарыгери жогорку маалыматты четке кагып, Ноокен районунда 12 жашар бала өлгөн соңку окуя кайдигерликтин айынан болгондугун билдирди.
Жалал-Абат облусунун коомчулугу «Манас» аба бекетинде турган америкалык аскер базасынынын зарылдыгын белгилешүүдө. Алардын пикири боюнча аскер базасы өлкөнүн коопсуздугу үчүн да кызмат кылып, экономикалык жактан да колдоодо.
Мамлекеттин саясий системасын кайра куруу жөнүндө бириккен оппозициянынчечимдери Ош жана Жалал-Абат шаарынын калкынын ичинде колдоого ээ болууда. Жергиликтүү активисттер үй-бүлөлүк башкарууну жоюу, мамлекеттик ашыкча кызматтарды кыскартууну сунуш кылышууда.
Жалал-Абат облусунун тургундары УТРК аркылуу «Азаттык» үналгысынын уктурулбай, биргелешкен берүүлөрү көрсөтүлбөй калганына тынчсызданышууда.
Жалал-Абат облусундагы укук коргоочу уюмдар адам укугунун бардык тармактарда бузулганын белгилешүүдө. Элдин жашоого болгон укугу сакталбай, эркин маалымат алууга да мүмкүн болбой калды. Жарандардын кайрылуу, арыз-дооматтарынан жыйынтык чыкпайт.
Жалалабат облусунун тургундары электр жарыгынын өчүрүлүп, азык-түлүк менен отун-суу кымбаттыгына нааразы болууда.
Жалал-Абат облусунда бириккен оппозициянын курултайы жөнүндө жарандары түрдүү көз карашын билдирүүдө. Курултайдын чечимдерин жактагандар да, жактырбай четке каккандар да бар.
Жалал-Абат облусунун коопсуз өнүгүүсүн торогон кыйла курч жагдайлар бар. Мындай бүтүм БУУнун Өнүктүрүү Программасынын ар бир облусту изилдеген талдоосун жыйынтыктаган тегерек үстөлдө чыгарылды.
Жалал-Абат облустук бийлигинде 27-ноябрда укук коргоо уюмдарынын координациялык жыйыны чакырылып, анда облустагы диний кырдаал талкууланды. Жыйынга Коопсуздук кеңешинин катчысы Адахан Мадумаров жана муфтий Мураталы ажы Жуманов катышты.
«Ата Мекен» партиясынын Жалалабат облусундагы өкүлдөрү «Акыйкат үчүн» кыймылынын лидеринин туугандарына жасалып жаткан кысым көрсөтүүлөрдү айыптап чыгышты.
Жалалабат облусунун айрым тургундары да элдик революциялык кыймылдын «Президент К.Бакиев мөөнөтүнөн мурда кызматтан кетсин!» деген талабын колдошууда. Алардын баамында, өлкө башчысы бийликке келген үч жыл ичинде элге берген мурдагы убадаларын аткарган жок.
Жалал-Абат облусундагы тургундар оппозициялык күчтөрдүн биригип, бийлик бутактарын өзгөртүү максатына түрдүү көз карашта болушууда.
2-ноябрда Өбекстандын Фергана шаарында мамлекеттик чек араларды аныктоо боюнча өкмөттөр аралык комиссиялардын кезектеги сүйлөшүүлөрү болду. Ага катышкан кыргыз өкмөттүк комиссиясынын мүчөсү Жаныш Курбановдун ырасташынча 13 талаштуу жерди тактоо боюнча алдыга жылыштар бар.
Жалал-Абат облусунун бир нече кыштактары электр энергиясы менен ичеер жана эгин суулары жагынан Өзбекстанга көз каранды. Коңшу өлкө аларды каалаган маалда өчүргөндө, Өзбекстанга чектеш кыргыз айылдары жабыр тартат. Кыргызстанга көчүп өтүүнү каалаган жарандардын паспорт алуусу түйшүктүү. Чек ара маселесин чечүү иши солгун жана жайбаракат жүрүүдө.
«Асаба» жана Коммунисттик партиялардын Жалал-Абат облусундагы бөлүмдөрү ушул таптагы жана келечектеги диний жагдайга санааркашууда. Алар белгилегендей, диндин таасири күчтүү болгон Кытайдын Уйгур автоном республикасы, Ооганстан, Тажикстан жана Өзбекстан менен чектешкен түштүк аймактарда түрдүү дин уюмдарынын таасири күчөөдө. Алдына саясий максаттарды койгон экстремисттик уюмдарды кубаттагандар да аз эмес. Жарандардын бир бөлүгү христиан-баптисттик уюмдарды жакташат. Диний агымдардын көптүгүнөн алар мамлекеттин коопсуздугуна шек келтирбейт деп эч ким кепилдик бере албайт деген пикир күч. Облустук бийликтин жооптуу өкүлү болсо диний-саясий кырдаал көзөмөлдө тургандыгын билдирди.
Жакында (бейшемби күнү) Кыргызстандагы эл аралык республикалык институт Жалалабат облусундагы саясий партиялар үчүн окуу-семинар өткөрдү. Анда Украинанын Жогорку Радасынын депутаты Лев Бирюк партиялык иштерди уюштуруунун ыкмалары тууралуу айтып берди. Партиялар өз иштеринин алгылыктуу экенин билдиришкени менен аларга эл салкын көз карашта. Ага эмне себеп? Жай турмушта иши болбой, шайлоо жана саясий өнөктүк маалында гана шайлоочуларды эстеген партиялар калкты жалкытып койгонбу? Дегеле элет калкыныналардын бул күндөгү абалы, бийликке көз карашы кандай?
Жалалабат облусундагы өзбектердин “Жаңы кылым» аттуу коому кайра-шайлоо жыйынын өткөрдү. Анда коомдун жаңы төрагасы шайланып, президенттин ички-тышкы саясатын колдоо жөнүндө кайрылуу кабыл алынды. Өзбек уул-кыздарын окутуу, ушул улуттун өкүлдөрүн кызматка тартуу, коррупция маселеси ортого коюлду.
Жалалабат облусунда улуттук буюм-кийимдерди тигип, көргөзмөгө койгондорго жетиштүү көңүл бурулбайт. Мындай пикирин облустун Чаткал районундагы «Ыдырыс ата мүрөгү» аттуу ишкананын башчысы эне билдирди. Алтымыш куракка жеткен эне пенсияга чыкпайм, элге кызмат кылсам, Чаткалдагы келин-кыздар жумуштуу болуп, жашоосу жакшырса дейт. Ал эки жыл мурда Казакстандагы кол өнөрчүлөрдүн көргөзмөсүнө катышып, биринчи орунду жеңип алган. Кол өнөрчүлүгүн өркүндөтүүгө каражаттын тартыштыгы себеп болууда. Губернатордун орунбасары облустагы өнөрлүүлөрдүн шыгын арттырууга камкордук көрүлүп жатканын билдирди.
3-4-июлда Жалалабат облустук соту Ош облгубернаторунун мурдагы 1-орунбасары Кушбак Тезекбаевдин доо арызын кароону улантты. Ал Жалалабат шаардык сотунун өкүмүн жокко чыгарууну талап кылууда. Шаардык сот аны күчөтүлгөн тартипте 5 жылга эркинен ажыратып, бир миллион сом айып пул салган. Тезекбаев өзүнө коюлган айыптар туура эмес экендигин билдирүүдө.
Ош облгубернаторунун мурдагы 1-орунбасары Кушбак Тезекбаев өзүнүн соттолуу себебин президенттин иниси Жаныш Бакиевдин аты менен байланыштырууда. Мындай пикирин ал бир нече ирет маалымат каражаттарына таркаткан. Анын доо арызы ушул аптада Жалалабат облустук сотунда каралганы турат. “Акжол” партиясынын Жалалабаттагы жаштар канатынын төрагасы Майрамбек Адылбеков, Тезекбаев жоопкерчиликтен качуу максатында күнөөнү Жаныш Бакиевге оодара салып жатканын билдирди.
Дагы жүктөңүз
