Көз карандысыз «Де-факто» гезитинин башкы редактору Чолпон Орозобековага каршы козголгон кылмыш иш боюнча тергөө аяктап, иш жакын арада сотко өткөрүлгөнү турат. «Де-факто» гезитинин тегерегиндеги окуяларга, Кыргызстандагы сөз эркиндигине байланышкан абалга соңку кездерде бир катар Эларалык уюмдар да тынчсызданууларын билдире баштады. Өлкөдөгү сөз эркиндигине байланышкан жагдай боюнча саясий серепчи Жыргалбек Турдукожоев «Азаттык» менен ой бөлүшкөн.
Эки күндөн бери Ооганстан парламент мүчөлөрү Кыргызстанда иш-сапар менен жүрүшөт. Эки өлкөнүн ортосундагы кызматташууну жакшыртуу, коңшу ооган элине өз өлкөсүн кайра курууда кыргыз тараптын көмөктөшү сыяктуу маселелер талкууланууда. Жогорку Кеңештин депутаты, социал-демократтар фракциясынын мүчөсү Осмон Артыкбаев "Азаттыктын" туз обосунда оогандык мыйзамчылардын иш-сапары тууралуу кеп кылат.
Жакындап калган Бээжин олимпиадасына катыша турган кыргыз спортчуларынын даярдыгы тууралуу “Азаттыктын” суроолоруна Улуттук олимпиада комитетинин башкы катчысы, өлкөнүн жеңил атлетика боюнча федерациясынын жетекчиси Канат Аманкулов жооп берген.
“Азаттыктын” таңкы түз маегинде Баткен облусунда болгон “Ак Жол” партиясынын жыйыны, Жогорку Кеңеш төрагасы Айтибай Тагаевдин 2010-жылы күтүлгөн президенттик шайлоодо президент Курманбек Бакиевдин талапкерлигин колдоо чакырыктары туурасында кеп кылсакпы деп турабыз. Түз ободогу маектешибиз “Эркиндик” саясий партиясынын мурунку лидери Топчубек Тургуналиев
"Азаттыктын" таңкы маегинде Жогорку Кеңештин төрагасы Айтибай Тагаев кечээ Баткенде өткөн “Ак жол” партиясынын облустук жыйынында сөз болгон 2010-жылы күтүлгөн президенттик шайлоодо президент Курманбек Бакиевдин талапкерлигин колдоо чакырыктары башталышы туурасында кеп кылсакпы деп турабыз. Маектешибиз “Ата Мекен” партиясынын төрагасы Өмүрбек Текебаев.
Жогорку Кеңеш бүгүн “Азык түлүк коопсуздугу” боюнча мыйзам долбоорун кабыл алды. Мыйзам өлкөнүн азык түлүк --> http://www.azattyk.org/rubrics/economics/ky/2008/06/2CC5C5DD-041C-42CF-91D1-79EE6400BD81.asp коопсуздугун камсыздоо жаатындагы негизги багыттарды белгилейт. Ошондой эле азык түлүк коопсуздугу деген түшүнүктү, ага коркунуч туудурган факторлорду жана эң зарыл делген азыктар менен камсыздоо өлчөмүн аныктайт. Талкуу учурунда айрым депутаттар мыйзам долбоору өтө эле чийки даярдалганын, аны кайра иштеп чыгуу зарылдыгын белгилешти. Бирок ага карабай долбоор көпчүлүк добуш менен кабыл алынды.
Маркум журналист Алишер Саиповдун атасы өлкө президентине кайрылуу жолдоду. Анда уулунун өлтүрүлгөнүнө 7 айдын жүзү болсо да бул кылмыш боюнча козголгон иштен --> http://www.azattyk.org/rubrics/free_speech/ky/2008/06/ebe5d4f1-41be-4d30-9dc1-90649ba92ed1.asp натыйжа чыкпай жатышы ички иштер министрлигине болгон ишенимди жоготуп жатканы белгиленет. Ички иштер министрлиги болсо бул иш катуу көзөмөлдө туруп, тергөө уланып жатканын билдирүүдө.
Соңку күндөрдө Кыргызстандын аймагына кошуна өлкөлөрдүн чек арачылары курал-жарагы менен кирип келген учурлар катталууда. А түгүл алар кыргыз айылдарында жергиликтүү тургундарды опузалап, ок чыгарууга чейин барышкан. Айрым талдоочулар муну кыргыз чек арачыларынын алсыздыгы менен байланыштырып, чек ара кызматын реформалоо зарылдыгын белгилешүүдө.
Кыргызстан коррупциянын деңгээли жогору өлкөлөрдүн катарында тураары эл аралык уюмдардын иликтөөлөрүндө айтылып келет. Бирок бийлик өкүлдөрү соңку жылдарда өлкөдө коррупцияга каршы бир катар алгылыктуу иштер жүргөнүн, ага мамлекеттик бюджеттин мурдагыдан эки эсеге көбөйүшү далил экенин айтышууда. Бул тууралуу бүгүн Бишкекте башталган “Кыргызстандагы коррупцияга каршы күрөш: проблемалар жана келечек” деп аталган эл аралык жыйында да сөз болду.
Кыргызстанда азык-түлүк баалары --> http://rfe.azattyk.org/rubrics/economics/ky/2008/05/39058908-9260-4DEC-9AE8-0BD9ED9F4B84.asp күн санап кымбаттоодо. Расмий тараптар муну дүйнөлүк тенденция менен байланыштырууда. Айрым экономикалык талдоочулар болсо өлкөдө баалардын кымбатташына каршы механизм, атүгүл анын себептерин изилдеп, ошого жараша иш жүргүзгөн мамлекеттик механизм да жок экенин айтышууда.
Кыргызстанда жаңы Акыйкатчы шайланганына 100 күн толду. Буга байланыштуу акыйкатчы Турсунбек Акун --> http://rfe.azattyk.org/rubrics/human_rights/ky/2008/05/05DBCEC4-4A32-43EF-BF01-71222F5B4089.asp бүгүн жүз күндүк ишинин жыйынтыгын чыгарды. Жүз күн ичиндеги негизги өзгөчөлүктөр катары бул институттун алдында укук коргоочулардын Коомдук кеңеши түзүлгөнү, кызматкерлердин саны кыскарганы жана бул уюмдун кадыр-баркын көтөрүү багытындагы аракеттер аталды. Ошол эле учурда айрым талдоочулар Акыйкатчы институту адам укуктарын, жарандардын кызыкчылыктарын коргоого өтө салкын мамиле жасап жатканын айтышууда.
“Ак жол” фракциясы төрагалыкка --> http://rfe.azattyk.org/rubrics/politics/ky/2008/05/7B80B166-8EE9-4AF2-8E78-7CE8A983A176.asp Айтибай Тагаевдин талапкерлигин сунуштады. Бул боюнча фракция чечимин фракция башчысы Азиз Турсункулов окуп берди. Анын талапкерлигин Коммунисттер фракциясы да колдой турганын фракциянын өкүлү Бейшебек Акунов билдирди. Парламентте азыр бул талапкерге добуш берүү процедурасы башталганы турат.
Кыргызстандын медиа коомчулугу “Телерадио берүүлөр тууралуу” мыйзамга кол койбоо өтүнүчү менен өлкө президентине кайрылуу кабыл алды. Аталган мыйзам долбоорун --> http://rfe.azattyk.org/rubrics/free_speech/ky/2008/05/4AD695E8-AABD-4A3B-B457-8115E4345C99.asp талкуулаган бүгүнкү жыйында бул долбоор демократияга, сөз эркиндигине каршы келээри, эгер ал күчүнө кирсе бир катар телерадикомпаниялардын жабылуусуна алып келиши ыктымалдыгы белгиленди. Ошондой эле бул мыйзамга каршы өлкөдөгү телерадиолордун эфири аркылуу нааразылык чараларын өткөрүү жана анын түрүн аныктоо боюнча жумушчу топ түзүлө турган болду.
Парламент имаратын жасалгалоодон тутанган чатак Адахан Мадумаровду --> http://rfe.azattyk.org/rubrics/politics/ky/2008/05/40F170F8-2BE9-4697-9273-442C8A4CCE7D.asp төрагалыктан мөөнөтүнөн мурда чакыртып алуу маселеси козголушуна алып келди. Бул маселени “Ак жол” фракциясы эртеңки жыйынында карамакчы.
Бүгүн Тажикстандын Хожент шаарында кыргыз-тажик --> http://rfe.azattyk.org/rubrics/politics/ky/2008/05/294FEA45-B555-400B-84B3-A172DABCEEF9.ASP президенттери жолугушуп, эки тараптуу сүйлөшүүлөрдү жүргүздү. Анын жыйынтыгында биргелешкен билдирүү кабыл алынды. Анда эки президент кыргыз-тажик Тышкы иштер министрликтеринин координациялык кеңеши түзүлгөнүн жарыялап, чегара жана энергетика маселелерин чечүү жана бул боюнча кызматташууну жакташты. Ошондой эле тараптар чегара тактоо иштери бүтмөйүнчө чектеш аймактарда чабалык иштерди жүргүзүүнү токтото турууну белгилешти.
Бүгүн Тажикстандын Хожент шаарында Кыргызстан менен Тажикстандын президенттери Курманбек Бакиев менен Эмомали Рахмон жолугушту. Хожент шаарынын аба майданында Кыргызстандын президенти К.Бакиевди Тажикстандын лидери Э.Рахмон тосуп алды. Салтанаттуу аземден кийин эки өлкөнүн --> http://rfe.azattyk.org/rubrics/security/ky/2008/04/73096FE2-73E7-47DE-8410-14F4F6BE4C12.asp лидерлери Кайраккум шаарындагы тажик президентинин резиденциясына жөнөп кетишти. Ал жерде эки өлкө башчынын тар чөйрөдө сүйлөшүүлөрү белгиленген. Анда былтыр сентябрда Бишкектеги жолугушуу учурундагы макулдашуулардын аткарылышы талкууланмакчы.
Кыргызстандагы медиауюмдар тарабынан жылдын мыкты гезиттери аныкталып, өлкөдөгү үч эркин басылмага бүгүн үч аталыштагы сыйлыктар ыйгарылды. Басма сөз каражаттарынын жетишкендиктерин баалаган мындай сыйлыктар өлкөдө биринчи жолу уюштурулууда. Айрым байкоочулар эркин басылмалардын мындай сыйлыктарга татып жатышын өлкөдөгү сөз эркиндигинин --> http://www.azattyk.kg/rubrics/free_speech/ky/2008/05/76EE05C7-7941-4719-98A6-40ED1F24E299.asp далили катары баалашууда. Ошол эле учурда кээ бир эркин гезиттердин жетекчилери чынында Кыргызстанда көз карандысыз коомдук-саясий басылма чыгаруу бир топ түйшүктүү экенин жана бийлик тараптан ар кандай басым-кысымдар --> http://www.azattyk.kg/rubrics/free_speech/ky/2008/05/EEED49C2-C1D4-4DC3-94BF-3CB52CE8CA11.asp болуп тураарын айтып жатышат.
Кыргызстанда электр кубатын пайдаланууга киргизилген чектөөлөр уланып, ушу күндөрдө да электр жарыгы күнүнө эки-үч жолудан өчүрүлүүдө. Мындай чектөөлөр Токтогул суу сактагычындагы суунун --> http://rfe.azattyk.org/rubrics/economics/ky/2008/05/F987C33B-503F-4288-BC9C-6525DF57400D.asp көлөмүн көбөйтүү, алдыдагы кышка кам көрүү үчүн киргизилгени белгилүү. Бирок айрым серепчилер бул чектөө кышка даярдык үчүн эле эмес, жайкы аптапта кошуналарга суу бериш үчүн да колдонулуп жатканын боолголоп жатышат. Ошол эле учурда Кыргызстанга эми сууну сата турган кез келгени да белгиленүүдө.
Бишкектеги Жеңиш аянтында бүгүн 1941-1945-жылдагы Улуу Ата Мекендик согуштагы Жеңиштин 63 жылдыгына арналган митинг-реквием өттү. Ага президент Курманбек Бакиев катышып, согуштун жана ооруктун ардагерлерин --> http://rfe.azattyk.org/rubrics/society/ky/2008/05/4FF6518A-3ADC-4DC3-926D-8C5241303646.ASP Жениш майрамы менен куттуктады. Коргоо министрлиги тарабынан аянтка талаа ашканасы уюштурулуп, ардагерлерге аскердик сый тамак берилди.
Кыргызстандын мамлекеттик мүлктү башкаруу жана инвестицияларды тартуу боюнча мамлекеттик комитетинин мурдагы башчысы, азыр оппозициялык саясатчылардын катарында турган Равшан Жээнбековго --> http://www.azattyk.org/rubrics/politics/ky/2008/03/C8D1E61F-1CF5-4E77-AD92-3B87E07BC364.asp былтыр козголгон кылмыш иштин негизинде Интерпол аркылуу эл аралык издөө жарыяланды. Учурда АКШда билим алып жаткан Равшан Жээнбеков болсо муну саясий себептер менен байланыштырууда.
Дагы жүктөңүз
