"Азаттыктын" веб-редактору, журналист. 2004-жылы Кыргыз-Түрк "Манас" университетинин журналистика факультетин аяктаган.
Молдовадан бөлүнгөн Приднестровье региону ортомчулардын долбооруна ылайык кайрадан өлкөгө биригиши мүмкүн. Бул тууралуу Молдованын президенти Владимир Воронин билдирди. “Азаттык” үналгысынын кабарчысы Эуген Томиукка берген маегинде, президент Воронин сүйлөшүүлөр көңүл жылытаарлык дэңгээлде өтүп жатат деген ниетин айтты.
4-ноябрда тарыхта биринчи жолу коомчулук Египеттин фараону Тутанхамондун тулкусун көрүү мүмкүнчүлүгүнө ээ болду. 3 миң жылдан бери эң жаш жана атактуу фараон болуп таанылып келген Тутанхамондун мумиясы болотнай менен оролуп, алтындан жасалган мүрзөдө сакталган. Археологдор мумияны кылдааттык менен саркофагдан алып чыгып, бардык каалоочулар көрө ала тургандай жайгаштырды.
Орусиянын президенти Владимир Путин кечээ Чеченстандын президенти Алу Алхановду кызматынан бошотуп, анын ордуна Рамзан Кадыровду дайындады. Былтыр октябрда отузга толгон Рамзан Кадыров буга чейин Чеченстандын өкмөт башчысы кызматын аркалап келген.
Ирактын мурдагы диктатору Саддам Хусейнге чыгарылган өкүмдүн жүзөгө ашырылышы дүйнө коомчулугунун, ирактык атуулдардын жана укук коргоочулардын арасында ар түрдүү карама-каршы пикирлерди жаратты. Айрымдары муну диктатордун зулум доорунун аягы катары кабыл алса, башкалары болсо Хусейндин өлүмү менен өлкөдө зордук-зомбулуктун жаңы толкуну башталат деп санааркоодо.
Ушу тапта Сауд Арабстанда эки миллиондон ашуун мусулман ажылык парзын аткарып жүрүшөт. Зияратчылар үстүбүздөгү түндү Мина өрөөндө өткөрүштү. Мусулмандык беш парзынын бирин аткаруу үчүн быйыл Меккеге келгендердин арасында жаштар дагы аз эмес. Аларды бул кадамга эмне түртөт? Булар жөнүндө британдык “Independent” гезити жазып чыккан.
23-декабрда БУУнун Коопсуздук кеңеши Иранга каршы чектөөлөрдү киргизүү боюнча резолюция долбоорун бир добуш менен кабыл алды. Долбоордо Иранга уранды байытуу программасын токтотуу талабы коюлду. Коопсуздук кеңеш кабыл алган резолюцияда өзөктүк жана сателлит программалары үчүн колдонула турган материал жана технологияларды Иранга экспорттоо токтотулаары каралган. Ал эми Ирандын бул чечимге реакциясы кандай болду?
Казакстандын президенти Нурсултан Назарбаевдин Кытайга болгон беш күндүк расмий иш сапары маалында отун-кубат тармагындагы экономикалык кызматташуу келишимине жана башка макулдашууларга кол коюлду. Учурда Кытай казак мунайынын эң ири кардарларынын бири болуп саналат. Адистердин айтымында мамлекет башчысы Бээжинди отун-кубат менен камсыз кылуу жаатында өз ара тыгыз кызматташтыкты улантууга ишендирмекчи.
