"Азаттыктын" Баткен облусундагы кабарчысы. Ош мамлекеттик университетин аяктаган.
Тажикстан террордук лагерде машыгуудан өткөн жана диний экстремисттик уюмдарга мүчө деп шектелген эки адамды кармап, Кыргызстанга өткөрүп берди. Алардын бири Өзбекстандын Анжиян облусунун тургуну Абдувохит Алиев диний-экстремисттик уюмдун мүчөсү жана Анжиян окуяларына катышы бар деп айыпталып, беш жыл бою өзбек бийлиги тарабынан издөөдө жүргөн экен.
Быйылкы окуу жылында Баткен аймагында жети миңдей окуучу мектепти аяктаса, анын үч миңден ашыгын кыздар түзөт. Айыл жерлеринде мектепти аяктаган кыздардын жарымынан көбү ушул айда эле үй-бүлө куруп кетишти.
Референдум Баткен облусунда да тынч өтүп, аймактагы шайлоочулардын 60 пайыздан ашууну добуш берүүгө катышты.
Ош, Жалал-Абаддагы тополоң токтобой жаткандыктан, Баткенде тамак-аш, күндөлүк керектелүүчү буюмдар менен күйүүчү май тартыштыгы келип чыкты. Керектелүүчү азыктар Баткен облусуна Ош шаары аркылуу өтүп турчу.
Эки тараптуу сүйлөшүүлөрдүн натыйжасында Баткендеги кыргыз-өзбек чек арасында чыңалган кырдаал кыйла жеңилдеп, татаалдашкан маселелер четинен чечиле баштады. Кыргыз тарап бүгүн жолду ачып, Өзбекстан Сох анклавынан аскердик оор техникаларын, киргизилген кошумча күчтөрүн чыгарып кете баштады.
Кыргыз тарап Баткендин ичиндеги Сох анклавы менен Өзбекстанды байланыштырган негизги жолду жапты. Ага бул аймакта кырдаал курчуп кетиши жана эки тараптуу сүйлөшүүлөрдөн натыйжа чыкпай жатышы себеп болду. Анын алдында Өзбекстан Сохко кошумча аскер күчтөрүн киргизгени кабарланган.
Баткендин Өзбекстандын Сох анклавына чектеш айылында чыр чыгып, кошуналаш эки элдин ортосундагы чоң чатакка айланып кете жаздады.
Төрт күндөн бери Өзбекстандын Сох анклавынан транзиттик каттамда Кыргызстандын жарандарына ички жарандык паспорт менен өтүүгө уруксат бербей келген. Аталган аймак тургундары 100 чакырымдай Баткен – Бүргөндү – Пүлгөн жолу менен айланып өтүп жатышкан. 21-майда кыргыз тарап Сох анклавын Өзбекстандын негизги бөлүгү менен байланыштырган жолду жапкандан кийин гана кошуналар каттамды мурдагы калыбына келтиришти.
Баткендин аймагынан Өзбекстан бир канча жылдан бери мунай менен көгүлтүр отунду беп-бекер тартып алууда. А түгүл өзбек тарап пайдаланган жер үчүн да Кыргызстанга бир тыйын төлөбөйт.
Бишкекте төрт күн өткөн “Медицина – 2010” көргөзмөсүнө 140 компания катышты. Кыргызстанда 28 миң адам кант диабети менен ооруйт. Алардын 2 миң беш жүзү инсулинди күн сайын алып турууга муктаж.
Баткен шаарында эле турак-жайга муктаж болуп кайрылган жаш үй-бүлөлөрдүн саны 1700дөн ашты. Ал эми шаардын аймагындагы калган жер ушундай тартипте кете берсе 5 жылдан кийин такыр бош жер калбай калышы мүмкүн. Ошол эле мезгилде бир коргондо 3төн үй-бүлө жашап, көп кабаттуу үйдөн көздөрү өтүп турат.
Президент К. Бакиев 19-мартта Баткенде аскер бөлүгүн ачып, “Айгүл-Таш - Самат” жогорку чыңалуудагы электр линиясынын курулушун баштоо аземине катышты. Өлкө башчысы эл менен жолугушуп жатып, азыркы митингдер 2005-жылдагыга такыр окшобостугун айтты.
Никеге турууда аялдардын укугунун бузулушу - көпчүлүк учурда жаш жубайлардын расмий нике каттоосунан өтпөгөндүгүнөн болуп жатат. Натыйжада аялдар же мүлктөн, же үй-бүлөдөн ажырап калууда.
Өткөн жылдарга караганда чек арачылардын иши, аракети күчөгөнү быйылкы жылда байкалды. Адистердин айтымында, ошондон улам чек арада коомчулуктун көңүлүн бурган окуялар катталды.
14-декабрда баткендиктер облустук акимчилик астына чыгышып, Айбалаевди же Айжигитовду губернатор дайындап берсин деп талап кылышты. Мамат Айбалаев жана Султанбай Айжигитов мурда бул облусту жетектеп иштеп кетишкен ишмерлер. Баткендиктер эми президенттен жооп күтүп жатышат.
Президент К. Бакиев бүгүн Баткенде облустун он, А.Орозбековдун 120 жылдыгына арналган салтанатка катышты. Өлкө башчысы анда аймак өнүгүп жатканын, коопсуздук маселесин чечүү үчүн аскердик бөлүк курулуп жатканын белгиледи.
Баткенге чектеш Тажикстандын Исфара шаарындагы атышууда төрт жоочу жок кылынып, бирөөсү колго түштү. Андан бир милиция кызматкери да жараат алды.
Баткен областына чек араны бузуп кирип, Ворух анклавына өтүп кеткен куралдуу топту издеп жок кылуу боюнча кыргызстандык жана тажикстандык чек арачылар биргелешкен операция жүргүзүүдө.
Баткен областына Тажикстан менен чектешкен жагынан түн ичинде чек араны бузуп өткөн куралчан топ басып кирди. Алар кыргыз чек арачыларына куралдуу каршылык көрсөтүп, тоо таянып качып жашынышты.
Кадамжайдын мурдагы акими А. Ташов кызматтан алынышын облус башчысынын акча топтоо талабын аткарбай коюшу менен байланыштырса, губернатор М. Жумабеков аны четке кагууда.
Дагы жүктөңүз
