"Азаттыктын" Баткен облусундагы кабарчысы. Ош мамлекеттик университетин аяктаган.
Тажикстан атайын операция жүргүзүп жаткан аймагына жакын турган Кыргызстандын айылындагы 15 үй-бүлө коопсуз жайга жайгаштырылды.
Элдин турмушу начар делген Баткен облусунда бир жылда эле үйлөнүү тойлоруна кеткен чыгым 1,5 млрд. сомду чапчыган.
“Бүтүн Кыргызстан” партиясынын төрагасы А.Мадумаров Баткен облусундагы шайлоочулары менен жолугушуп, шайлоонун жыйынтыктарын сынга алды.
Баткендин Өзбекстан менен чектешкен Кайтпас айылынын бир туругуну чек арада атылган октон жараат алды. Жергиликтүү бийлик өкүлдөрү учурда бул окуя териштирилип, өзбек чек арачылары эмне үчүн башка өлкөнүн аймагына ок атышканы такталып жатканын айтууда.
Ушул жумада кыргыз-өзбек чек ара кызматтарынын башчылары Баткенде жолугушуп, тараптар бирден чек ара бекеттерин ачмай болушкан. Бирок айрым жергиликтүү тургундар сүйлөшүүдө маселе өзбек тараптын пайдасына чечилгенин айтышууда.
Тажикстандын Рашт өрөөнүндө өкмөттүк аскерлер менен козголоңчулардын ортосунда ок атышуу болуп, 23 жоокер каза болду. Бул окуяга байланыштуу Кыргызстандын Чек ара кызматы тарабынан Тажикстан менен көпчүлүк аймагы чектешип турган Баткен облусунда чек ара бекеттери жабылды, аймакка кошумча күчтөр тартылды деп айтылды эле. Абалды билүү үчүн аймактагы кабарчыбыз кыргыз-тажик чек арасында болуп кайтты.
Баткендеги чек ара аскер бөлүгүндө кызмат өтөгөн катардагы жоокер Бакытбек Жураев өткөн жумада ур-токмоктон каза тапты. Жаш жоокерди келишимдик негизде кызмат өтөгөн жашы улуу Урмат катуу уруп, натыйжасы кайгылуу бүткөн. Мындай окуянын болушу эл ичинде армиянын беделин сындырып, жаштардын аскердик кызмат кылуу демин суутуп жатат.
Өзбекстан кармап кеткен кыргыз чек арачылары алмашуу жолу менен бошотулду. Алар Кыргызстандын аймагында жасаган мыйзамсыз аракеттери үчүн кармалып турган Өзбекстандын коопсуздук кызматынын өкүлү менен үч бажы кызматкерине алмаштырылды.
Кыргызстанда соңку айларда күйүүчү жана майлоочу майга баалар бир топко көтөрүлдү. Бул айдоочуларды бир топ түйшөлтүп, капчыкка таасирин тийгизип жатканын айтышууда. Оруп-жыюу маалында бул дыйкандардын да чоң маселесине айланды.
31-август күнү кечке маал Кадамжай районунун аймагында кыргыз-өзбек чек арасындагы бейтарап аймакка сүйлөшүү үчүн барган Кыргызстандын эки чек ара кызматкерин өзбекстандык чек арачылар кармап кетишкен болчу. Бул окуя боюнча улуттук коопсуздук кызматындагы чек ара кызматынын төрагасы Закир Тиленов Баткенде болуп, жергиликтүү күч кызматтары менен жабык эшик артында жыйын курду. Жыйын соңунда аймактан кабарчыбыздын ушул окуя боюнча суроолоруна жооп берди.
Кыргыз-өзбек чек арасындагы бейтарап аймактан Өзбекстандын аскерлери кармап кеткен Кыргызстандын Чек ара кызматынын эки өкүлүн кайтаруу аракеттеринен азырынча майнап чыга элек. Алар 31-августтун кечинде алдын-ала макулдашууга ылайык, өзбек тарап менен сүйлөшүүгө барган учурда кармалган.
Баткенде мамлекеттик кызматтан кеткен үч адам облустук акимчиликтин буйруктарын сот аркылуу жокко чыгарып, кайрадан мурда ээлеген кызмат ордуларына келмей болду. Апрелдеги бийлик алмашкан окуялардан кийин жергиликтүү бийлик органдарында кадрлардын туруктуу иштей албай жатышынан мамлекеттик башкаруу көп жагынан өксүп жатат.
Оштогу коогалаң башталаары менен эле Өзбекстан Кыргызстан менен чектешкен аймактарында күчөтүлгөн тартип киргизип, чек араларын катуу кайтарууга алуу менен бир катар чектөөлөрдү койгон.
Учурда Кыргызстанда дан эгиндерин оруп-жыйноо иши жүрүүдө. Өлкөдө эгиндин баасы былтыркыга салыштырмалуу жогору. Мындай көрсөткүч дүйнө жүзүндө да байкалып, буудайдын баасы 70 пайызга өсүп, айрым мамлекеттер эгинде экспортттого тыюу салышты.
1-август түнү Баткен облусунун Кара-Дөбө айылындагы эс алуучу жайдан чыккан жаңжал улуттар аралык тирешүүгө айланып кетейин деди. Өз убагында күч кызматтарынын аракети жана түшүндүрүү иштеринин натыйжасында топтолгон 300дөн ашуун киши таратылып, азыр аймакта милиция кызматкерлери күчөтүлгөн тартипте иш алып барууда.
10 күндөн бери Баткен облусунун Өзбекстан менен чектешкен аймагында Тажикстандын химиялык заводунан Жалал-Абад облусуна келе жаткан 43 тонна тоо жардыргыч зат жүктөгөн унаалар кошуна өлкө тарабынан кармалып турган болчу.
Баткен облусундагы кечээки иш сапары учурунда Роза Отунбаева кыргыз-өзбек чегиндеги Бүргөндү өрөөнүндө да болуп, Өзбекстан иштетип жаткан бул жердеги мунай, газ кендерин Кыргызстанга кайтарып алуу, аталган аймакта өз алдынча район түзүү демилгелерин колдоду.
Чек ара аймактарында абал оорлоп жатканына нааразы болгон топ облустук акимчиликтин алдына чыкты. Алар губернатор Султанбай Айжигитов эл менен жолугушууларга чыкпай жатканын айтып, анын ордуна мурда облусту жетектеп кеткен Мамат Айбалаевди алып келүү талабын да коюшту.
Кыргызстандын түштүгүндө болуп өткөн окуялардан кийин аймактагы университеттерге абитуриенттерди кабыл алуу солгундап кетти. Окуу жылын аяктай албай айылдарына кетүүгө аргасыз болгон студенттердин саны аз эмес. Башка окуу жайларга которулууну каалаган студенттер да көп.
Баткенде болгон Улуттук коопсузудук кызматынын төрагасы К. Дүйшөбаев чек аралаш аймакты тооруган террордук коркунуч бар экенин жана коопсуздукту бекемдөө аракеттери көрүлгөнүн билдирди.
Дагы жүктөңүз
