"Азаттыктын" штаттан сырткаркы журналисти. Эл аралык AIB сыйлыгынын жеңүүчүсү (2011).
Ооганстанда кыздарды окууга жибербей же иштен калтыргандар мындан ары түрмөгө түшүшү мүмкүн. Кеминде даярдалып бүтүп калган мыйзам долбоорунда мына ушул өңдөнгөн катаң чаралар каралган.
АКШнын Мамлекеттик катчысы Хиллари Клинтон Индиянын жетекчилери менен жолугушуп, тараптар орток алакалар боюнча сүйлөшүүлөрдү жүргүздү.
Орусиянын президенти Дмитрий Медведев ушул бейшембиде Германиянын канцлери Ангела Меркел менен сүйлөшүү жүргүздү. Күн тартибинде глобалдык экономикалык кризис үстөмдүк кылаары күтүлгөн. Ошол эле мезгилде Мюнхендин жанындагы сүйлөшүүдө Германиядагы машина жасоочу "Опел" заводунун келечеги да сөзгө алынаары айтылган.
Сынган чыканаганына операция жасатып бүткөн АКШ мамкатчысы Индия менен Таиландга аттанууда. Жолго чыгаар алдында ал Вашингтондо өлкөнүн тышкы саясаты боюнча сөз сүйлөп, АКШнын Иран менен сүйлөшүү сунушунун мөөнөтү бүтүп баратканын эскертти.
Ооган жаңжалында курман болгон британ аскерлеринин саны улам көбөйгөн сайын, Британияда премьер-министр Гордон Браундун өкмөтүнө ачуу сын күч алууда. Акыркы 10 күндүн ичинде алыскы Ооганстанда 15 британ аскеринин өмүрү кыйылып, бул өлкөдөгү Британиянын жалпы жоготуусу 184 адамга жетти.
Пакистандын Сват өрөөнүнүндө талибдерге каршы согушта үй-жайын таштай качкан жүз миңдеген киши үйлөрүнө кайта баштады. Бирок аймакта согуш токтобогондуктан 2 млн. качкындын тагдырына тынчсыздануу күч.
Ooганстанда согуш биротоло токтобой, саясий стабилдүүлүк орной элек болсо да, өлкөнүн табигый мурастарын коргоо жаатында айрым жылыштар жок эмес. Быйыл жазда Ооганстандагы эң алгачкы улуттук парк ачылды. Айлана-чөйрөнү коргоо эрежелеринин ишке ашырылышын кепилдөө кыйын болсо да, экологдор бара-бара бул эрежелер сакталат деп үмүттөнүшүүдө.
Франциянын, Орусиянын жана АКШнын Минск тобу боюнча тең төрагалары жакында Ереванда жана Бакы калаасында болушту. Бул визитти Карабак жаңжалы боюнча расмий келишимге жакындаткан дагы бир кадам деп мүнөздөп жатышат.
Сребреницанын мусулмандары согуш мезгилинде кырылган дагы жүздөгөн адамдын сөөгүн жаназасын окуп, жерге беришти. 1995-жылдагы Чыгыш Босниядагы ал кандуу окуялар Европада Экинчи дүйнөлүк согуштан кийинки эң кандуу массалык кыргын болуп калган эле.
Былтыркы Тибеттеги козголуудан кийин Кытай өкмөтү Тибеттен чет элдик журналисттерди дароо чыгарган эле, бирок интернет кызматына жана уюлдук телефондордун ишин токтотууда кеч калган. Бирок Шинжаңдагы соңку толкундоолор Кытай өкмөтү буга чейинки кризистерден сабак алып, маалымат каражаттарын жаңыча көзөмөлдөөнүн технологиясын мыкты өздөштүрүп жаткандыгын айгинелейт.
Владислав Сурковду Орусиядагы демократиялык өзгөрүштөрдү чектеген бир катар иш-аракеттердин кыбачысы деп билишет. Бийлик вертикалык орнотуп, региондордун өз алдынчалыгын чектеп, жарандык коомдун үстүнөн көзөмөлдү күч алдырган аракеттердин артында дал ушул Кремлдин «купуя генералы» турат деп саналат. Бирок бул адам кийинки кездери ачыкка көбүрөөк чыгып, Орусияда демократияны күч алдырыш керек деген мазмундагы сөздү көп айтчу болду. Бул эмнени билдирет?
Бир кылым мурда эле Шинжаңда басымдуулук кылган уйгурлар бүгүн өз мекенинде улуттук азчылыктардын катарына кошулганы калды. Ондогон жылдардан бери хан кытайлардын агып келиши уйгурларды айрыкча нааразы кылган жагдай болуп саналат.
Белгилүү орус жазуучусу Василий Аксенов дүйнө салды. Аксенов советтик цензураны башынан өткөргөн, жарандыгынан айрылган советтик жазуучулардын акыркыларынын бири эле.
Дүйнө калкынын 60 пайызы жашаган 20 мамлекетте жүргүзүлгөн жаңы сурамжылоодон АКШда Барак Обама президент болуп калгандан бери АКШга карата мамиле көп өзгөрбөгөндүгүн көрсөттү. Ошол эле мезгилде америкалык университет жүргүзгөн иликтөөдө суралгандар Обаманын президенттиги дүйнөгө да, Американын өзүнө да жакшылык алып келет деген көз карашын билдиришти.
АКШнын президенти Барак Обаманын Орусияга иш сапарын Батыштын басма сөз каражаттары байма-бай чагылдырышты.
Бул ирет "Азаттык" радиосунун Вашингтондогу кабарчысы Хизер Маер АКШ сенаторунун шайланышы жана анын Ирандагы соңку окуялар менен байланышына токтолот.
Инсбрук калаасындагы Азия, Африка, Латын Америкалык кино тасмалардын 18-кино кароосунда өзбекстандык режисердун тасмасы атайын сыйлыкка татыктуу болду. Кино өнөрү канатын кенен жая албай, кысылып калган өлкө үчүн бул олуттуу окуя катары бааланууда. Бирок өкмөттүн акчасына тартылган "Ойдиной" фильми эмне үчүн Өзбекстандын өзүндө кеңири прокатка чыкпайт?
АКШнын президенти Барак Обаманын аймактык өкүлү жакында Вашингтон Ооганстанда апийим плантацияларын жок кылуудан баш тартып, анын ордуна аткезчиликти токтотуп, мыйзамдын иштешине жана апийимдин ордуна башка өсүмдүктөрдү өстүрүүгө артыкчылык берээрин жарыялады. Дүйнөдөгү маң заттарынын 90 пайызын өндүргөн өлкөдөгү стратегиядагы мындай кескин бурулушка карата пикирлер ар кандай болуп жатат.
Ушул күндөрү көзү өткөн Майкл Жексондун ордуна сахнага кийинки кездери анын атасы Жо Жексон чыкты. Атактуу поп ырчысын чыт курсак кезинен ырдатып, шыгын арттырган, ошол эле мезгилде катаал мүнөз Жо Жэксон уулуна сыймыктанаарын айтып, поп-жылдызына таазим кылды, ошол эле мезгилде өзү музыка бизнесине кайтып келип жаткандыгын жарыялады.
Америкалык аскерлер Иракка басып киргенден алты жылдан кийин Ирак аскерлери бүт өлкө боюнча шаарларды АКШ армиясынан өткөрүп алды. Бул окуяны ирактыктар кечээ (29-июнда) көчөгө чыгып майрамдашты. Бирок аларды террорчулардан аскерлер жана полиция саксактап турууга мажбур болду. Өлкөдө кырдаал татаал, ошого карабастан, Ирак жетекчилери абалды өзүбүз жөндөй алабыз деп катуу турушууда.
Дагы жүктөңүз
