"Азаттыктын" штаттан сырткаркы журналисти. Эл аралык AIB сыйлыгынын жеңүүчүсү (2011).
160тан ашык киши менен келаткан учак Индиянын түштүгүндөгү Мангалор шаарынын аба майданына конордо кырсыкка учурады.
АКШнын Ооганстандагы башкы командачысы жайга пландалган Кандагар шаарын талиптерден арылтуу операциясында шаар калкына коркунуч келтирилбейт деп ишендирди. Пентагондогу пресс-конференцияда генерал Стэнли МакКристалл бул операцияны шаарды борбордук өкмөт толугу менен өз көзөмөлүнө ала турган, коопсуздуктун «жай жана аз-аздап күчөй турган» толкуну катары мүнөздөдү.
Уол Стрит – АКШда гана эмес, дүйнөдө эң таасирлүү финансылык борборлордун бири деп саналат. Бирок соңку 2-3 жылдагы глобалдык кризистин мезгилинде Уол Стри өзү тойсо да, көзү тойбогон ач көздүктүн чордону катары сынга алынып, кадыр-баркы кыйла түшүп кетти. Мына эми Уол Стриттин эң таасирлүү банкы болгон Голдман Сакска алдамчылык боюнча кине коюлууда. Бул банкты ал тургай Грециядагы экономикалык кризис үчүн күнөөлөп жатышат.
Европада асман Исландияда жарылган жанар тоонун түтүнүнөн арылганда, НАТОнун тышкы иштер министрлери жеңилдене дем алышты. Ансыз бүгүн-эртеңге (22-23-апрелге) белгиленген НАТО жыйыны үзгүлтүккө учурап калышы мүмкүн эле. Жыйындын күн тартибинде Орусия менен Ооганстанга айрыкча орун берилет деп күтүлүүдө.
Иракта юридикалык комиссия өткөн айдагы парламенттик шайлоодо Багдадда берилген добуштарды кайра санап чыгууга өкүм чыгарды. Эки жарым миллоиондон ашык бюллетендердин кол менен кайра саналышы жаңы өкмөт түзүү жарышындагы күчтөрдүн күрөшүн жаңы, балким кооптуу нукка салышы ыктымал.
Акыркы 30 жылдын 20 жылында диктаторлор Конституцияны билгениндей өзгөртүп келген Пакистанда 19-апрелде федералдык парламентардык демократиянын калыбына келиши чоң жетишкендик катары бааланууда.
Жер Ортолук деңизинин ак мончогу болгон Кипрда ушул күндөрү асман ачык, бирок саясат булуттап турган чак. Ондогон жылдардан бери Түркия менен Грециянын ортосунда талашка түшкөн бул аралдын грек тарабындагы өкмөтү түрк тарабында улутчул саясатчынын президент болуп шайланышын “тескери көрүнүш” деп баалады.
Тактан кулатылган президент Курманбек Бакиев шаршембиде өзүнүн Тейит айылында укук коргоочулар менен жолугуп, Убактылуу өкмөт менен сүйлөшүүлөргө макул экенин, керек болсо сот алдында жооп берүүгө да даяр экенин билдирди.
Кыргызстанда үй-бүлөлүк башкарууну орнотуп алды деп жек көрүндү болгон бийликтин кан төгүү менен кулашын өлкөнүн авторитардык коңшулары Кыргызстандын өз иши деген болушууда. Бирок Казакстанда оппозиция ачык эле Президент Назарбаевдин «хандык» бийлигин кулатууга чакырып жатышат.
Аида Касымалиева кыргызстандык журналист, учурда Бириккен Араб эмираттарында жашайт. Ал соңку окуяларга байланыштуу «Кыргызстанда революция интернетте да жүрдү» деп эсептейт. Касымалиева бул дигиталдык ыңкылаптан интернетке чыга албаган кыргыздар артта калгандыгына өзү күбө болгон мисалды келтирди. Ал Бакиев сөз эркиндигин камсыздай алганда, азыр анын үзүрүн өзү көрмөк экендигин да белгиледи.
Эки күндүк жыйынды АКШнын президенти Барак Обама ачты, ал өзөктүк куралдын террористтердин колуна өтүп кетиш мүмкүнчүлүгү бүгүнкү күндөгү башкы коркунуч деп эсептейт.
Соңку тополоңдо курман болгондордун саны сексенге чукулап барды, алардын бири учурда Австрияда жашаган Гүлзат Боннестин Бишкектин чет-жакасындагы айылда кичинесинен чогуу өскөн балалык курбусу болгон.
Кыргызстандагы окуяларга чет өлкөлөрдөгү мекендештерибиз да абдан ынтаа менен көз салып жатышат. Алардын бири - Жапонияда Токио университетинин докторанты, саясат таануучу Сейтек Качкынбаев.
Кыргызстанда кайрадан, эл козголуп, бийликти күч менен кетирди. Тилекке каршы, бул жолу кан төгүлдү. Кезектеги ыңкылаптан кийинки кырдаалга дүйнө кандай мамиледе болуп жатат?
Кыргызстан кайрадан өзүн да, дүйнөнү да айран таң калтырып, эл козголуп, бийликти күч менен, тилекке каршы кан төгүү жолу менен кетирип, өзүн элдикпиз деген күчтөр бийликке келди. Өлкөдөгү кезектеги ыңкылаптан кийинки кырдаалга анын Борбор Азиядагы коңшулары кандай мамиледе болуп жатат?
Иран цивилизациясы дегенде дароо эле көөнө замандардагы Фирдоуси, Руми, Саади, Хафизден берки даңазалуу фарсы поэзиясы эске келет. Бирок эгер бүгүнкү Иранда алардын айрымдары оңдолуп-түзөлүп, башкаларына такыр эле тыюу салынган.
АКШнын президенти Барак Обама менен Орусиянын мамлекет башчысы Дмитрий Медведев 26-мартта телефондон сүйлөшүп, бир жылдан берки ядролук куралдарды кыскартуу келишимине акыркы чекит коюшту.
Орусия менен АКШ ядролук куралдар боюнча келишим долбоорунун үстүнөн ишти аяктап калды. Эгер ал кабыл алынып, ишке ашса, бул эки өлкөнүн ядролук курал запастары акыркы жарым кылымдагы эң төмөнкү деңгээлге жетмекчи.
Google аталган интернетте маалымат издөө системасы кытай тилиндеги тейлөөсүн Кытайдын материк тарабынан Гонконгго алып кетти. Америкалык компаниянын бул кадамы Kытайды нааразы кылды. Google Кытай издөө сайтын цензураланып жаткандыктан, ушул кадамга аргасыз болгондугун айтууда. Кытай Google жазуу жүзүндө берген убадаларынан баш тартты деп айыптады.
Өкүлдөр палатасы бүгүн буга чейин Сенатта жактырылган мыйзамды карамакчы. Мыйзамдын кабыл алынышы үчүн зарыл болгон 216 добушка жетүү максатында ишембиде президент Барак Обама мыйзамгерлер менен жолукту.
Дагы жүктөңүз
