"Азаттыктын" штаттан сырткаркы журналисти. Эл аралык AIB сыйлыгынын жеңүүчүсү (2011).
Жакынкы Чыгыш боюнча Төртилтик Израилди талаштуу Чыгыш Иерусалимде бардык жаңы курулуштарды токтотууга чакырууда. Жакынкы Чыгыштагы кризистик кырдаалды жөнгө салуу далалатында төртилтикке кирген Бириккен Улуттар уюму, АКШ, Европа Биримдиги жана Орусия Моксвада жыйын өткөрүштү.
Реми Дор Париждеги Франция коллежинде түрк таануудан, анын ичинде кыргыз тили жана грамматикасынан сабак берет. 65ке таяп калган профессор өмүрүнүн көбүн памирлик кыргыздарды изилдөөгө арнап, англис, немис, кыргыз тилдеринде ондогон китеп, макалаларды жарыялады.
Иракта 7-марттагы парламенттик шайлоонун алдын-ала жыйынтыгы маалым болду. Ага караганда, өкмөт башчысы, шийит саясатчысы Нури ал-Малики менен анын башкы атаандашы, секулярчы Иляд Аллави дээрлик бирдей сандагы добушка ээ болушту.
Кыргызстанда чет элдиктер элге көп аралашпайт, бирок арасында кыргыз коому үчүн убактысын да, акчасын да аянбагандар бар. Алардын бири Хью Култер алты жылдан бери Караколдогу көчө балдарына, аялдарга, чакан ишкерлерге жардам берип келет.
Ирандын президенти Ооганстанга барышында Кабулдун Батыш союздаштарын сынга алды. Махмуд Ахмединежад айрыкча Кошмо Штаттарын ур-токмокко алып, «Ооганстанда Тегеран эмес, Вашингтон эки башка оюн ойноп жатат» деди.
Бул 2003-жылдагы АКШ баштаган, Саддам Хусейндин режиминин кулашына алып келген оккупациядан кийинки экинчи жалпы элдик шайлоо. Анда 80ден ашык саясий уюмдан 6200 чакты талапкер Өкүлдөр палатасындагы 325 орун үчүн ат салышты.
АКШ конгрессинин комитети бейшембиде дээрлик бир кылым мурда армяндардын осмон түрктөрү тарабынан кырылышын "геноцид" деп баалаган резолюцияны жактырды. Кандайдыр бир чара көрүүнү карабаган бул документ Конгресстин элегинен өтөөр-өтпөсү белгисиз, бирок ал Түркияны катуу кападар кылды.
Босниялык сербдердин согуш мезилиндеги жол башчысы Радован Каражич 1-мартта Гаага сотунда өз билдирүүсүн окуп баштады. Геноцид жана согуш кылмыштары үчүн соттолуп жаткан Каражич босниялык сербдер хорваттар менен мусулмандарды кырганда «акыйкат жана ыйык» максатты көздөгөн болчу деп ырастады.
Мындан бир нече ай мурда Нури Камал ал-Малики Ирактын өкмөт башчысы болуп кайра шайланат деген ишеним күчтүү эле. Бирок 7-мартта парламенттик шайлоодо анын дагы төрт жыл бийликте калаары улам көбүрөөк күмөн туудурууда.
Түркияда ушул дүйшөмбүдө элүүдөн ашык генерал камакка алынып, исламга ыктаган бийликтеги Ак партия менен Мустафа Кемел Ататүрк негиздеген секулярдык саясатты жактоочу "кемелчилердин" тирешүүсү болуп көрбөгөндөй курчуду.
Ушул күндөрү Атлантика мухитинин түштүгүндөгү Фолклэнд аралдарынын айланасында британ фирмасы мунай бургулап баштоодо. Бул кадам 1982-жылы аралды талашып согушкан Британия менен Аргентинанын тирешүүсүн кайра күч алдырууда.
Берлин кинофестивалында балчы атасын издеп, токойду аралап кеткен алты жаштагы бала жөнүндөгү «Бал» деген фильм "эң мыкты тасма" деп табылды. Ал Түркияда тартылган. Учурда Швейцарияда камакта отурган Роман Поланскийдин эң мыкты режиссер деп табылышы фестивалда айрыкча кызыгууну жаратты.
Көл кылаасындагы Жети-Өгүз айлы Франциядан, болгондо да атактуу кызыл шарап чыккан Бордо аймагынан бир тууган таап отурат. Ортодо данекер болгон Азамат Кадыралиев – кыргыз-француз достук коомунун президенти.
Крикет боюнча дүйнөлүк 20 тың өлкөнүн чемпионатында Ооганстандын крикет командасы көпчүлүктү айран-таң калтырууда. Бир жылдын ичинде aл 130 орундан эң мыкты 15 крикетчи команданын катарына кирди.
Улам жакында келаткан Нооруз майрамында көпчүлүк сүмөлөктү күтөт. Бул ирет мындай жаз азыгы менен катар, ушул эле аталышта журнал да, болгондо да испан тилинде, жарык көрө баштайт.
Түркмөнстанда Гурбангули Бердымухамедов жаңы бийликке келгенде, дүйнөдөгү эң жабык коомдордун катарындагы өлкөгө реформатор Горбачев келгендей сүйүнүшкөн.
Украинада эскичил система менен киндиктеш деп саналган саясатчынын президент болуп шайланышы бул өлкө демократиядан кайра тарттыбы деген суроону жаратууда. Көпчүлүк баяндамачылар мындай коркунуч жок экендигин белгилешүүдө. Ошол эле убакта 7-февралдагы шайлоонун кынтыксыз өткөндүгү пост-советтик мейкиндиктеги үмүттүү жылыш катары баалоого болот.
Өзбекстанда фото-сүрөтчү режиссер Умида Ахмедова өз чыгармачылыгы үчүн суракка алынып жатканын кабарлаган элек. Мына эми Ташкенде анын үстүнөн сот иши башталып, ал «өлкөнү жаманатты кылды» деген айып менен кесилип кете турган болууда.
Өзбекстанда 27-декабрда парламенттик шайлоо өтөт. Бул күнү парламенттин кеңейтилген төмөнкү Мыйзам чыгаруу палатасындагы 135 орун үчүн добуш берилет. Добуш берүү буга чейинки шайлоолордой эле демократияга шайкеш келбегени менен анын сырт көрүнүшүндө «демократиялык» айрым өңүттөр болоору айтылууда.
Журналисттердин "Кавказия" эл аралык биримдиги Ташкенде сүрөтчү жана документалдуу фильмдердин автору Умида Ахмедовага гендерлик темадагы чыгармалары үчүн кылмыш иши козголгондугун айыпташты.
Дагы жүктөңүз
