"Азаттыктын" штаттан сырткаркы журналисти. Эл аралык AIB сыйлыгынын жеңүүчүсү (2011).
Жакынкы Чыгышта каргашалуу жаңы вирустун эпидемиясы Мекеге ажылыкка бара тургандарга коркунуч келтирет деген кооптонуу пайда болду. Бирок азырынча эксперттер адаттагы алдын алуу чаралары жетиштүү экендигин айтышууда.
Тажикстандын аймагындагы айтылуу Бакпур-Ата мазары чек арада болгондуктан, жергиликтүү тургундар ал жакка кенен-кесири бара албайт.
Кыргыздын жерлери кадам сайын дабалуу булак, ыйык мазар. Геосаясатка байланыштуу мындай жайлардын айрымдарына эл каалагандай, эркин каттай албай калган. Кытайдын батышындагы Манаска байланышкан жайларга Кытайдын башка жагында жашаган кыргыздар атайын уруксатсыз каттай албайт. Себеби Кыргызстан менен чек араны бойлой кеткен 100 чакырымдык тилке коопсуздук зонасы деп саналат. Тажикстандын аймагындагы укмуштуудай көрүнүшү менен адамды айран таң калтырган айтылуу Бакпур-Ата мазарына да ушул эле себептен жергиликтүү тургундар кенен-кесири бара албайт. "Мургаб ыргактары" түрмөгүнүдө бул мазарга мылтыкчан тажик аскеринин коштоосунда барып келген Жаңыл Жусупжандын видео баяны.
Марокко, Алжир, Мали, Ирак, Пакистан, Афганистан... Суфилердин ибадаткана, мазарлары жардырылып, жок кылынып жаткан өлкөлөрдүн тизмесин уланта берсе болот. Кылымдардан бери карай исламдагы руханий тереңдиктин жана коомдогу моралдык пакизалыктын символу болуп келген суфий (сопу) жайлары Индияда мамлекеттик программа аркылуу коргоого алынган. Алардын бири Али ажынын Мумбайдагы күмбөзү. Аялдардын кирүүсүнө тыюу салуу менен дүйнөдөгү эң ири демократиялык өлкө саналган Индияда да суфизмге катаң динаятчылардын таасири тийип жаткандыгын көрсөттү. Борбор азиялык атактуу суфинин күмбөзүнөн сүрөт баян, Мумбай.
Тбилиси байыркы грузин цивилизациясынын татыктуу байтактысы. Шаарда Чыгыш менен Батыштын тарыхын жана архитектуралык көркүн туш келди көрксүз жаңы курулуштар али буза элек. Балким таалимдүү улут күнүмдүк баалуулуктардын артынан кубалабай, бакубат турмушка жеткенде да буга жол бербестир.
Грузиндер бүгүн эски менен жаңынын, автократия менен демократиянын, Чыгыш менен Батыштын ортосунда чайналып турган кези. Жаңыл Жусупжандын Грузиядан фотобаяны.
Ажариянын баш калаасы Батуминин тургуну кыргыздарга салам жолдойт. Ж. Жусупжандын видеосу. Грузия
Грузиянын карамагындагы Ажария автоном жумуриятында бүгүн мусулмандардын саны азайып, калктын 30% түзүп калган. Айрымдары Түркияга кетсе, башкалары кайра баштапкы христиан динине өтүп жатышат. Батуми мечитинен Ж. Жусупжандын видеосу.
Ырчы, жомокчу Турган Ырайым кызы памирлик кыргыздардын бүгүн дээрлик унутта калып, жоголуп бараткан ондогон ыр-күүлөрүн билет. Комузда да ойногон менен, «өмүрүм темир комуз менен өттү, aзыр такма тишим менен жакшылап ойной албай да калдым» дейт. Жаңыл Жусупжаn тарткан видео, Улуу Памир айлы, Түркия, 2013.
Түркиядагы памирлик кыргыздарынын ырчы, жомокчусу Турган Ырайым кызы Ооганстанда төрөлүп, жашынан туугандары аны өзүнөн кыйла улуу кытайлык кыргызга күйөөгө беришкен. Азыр абышкасы менен Улуу Памир айлында жашайт. Жаңыл Жусупжаn тарткан видео, Улуу Памир айлы, Түркия, 2013.
Ооганстандан мындан туура 35 жыл мурда качып чыккан памил кыргыздарынын ырчы, жомокчусу Турган Ырайым кызы бул тасмада өз чыгармачылыгы тууралуу учкай сөз кылып, кыздын ашыктык ыры менен «Хан Шырдактын боз жоргосун» баяндайт.
Аслыхан Эржан жогорку билим албаса да улуу памирлик кыз-келиндерди уюштуруп, түшүндүрүү иштерин жүргүзөт. Түрк өкмөтү айлык төлөбөгөнү менен аны жергиликтүү айымдардын баш өкүлү катары карайт. Советтик доордун алгачкы мезгилиндей, Түркиядагы кыргыздар отурукташкан Улуу Памир айылында бүгүн сабаты ачылбаган аялдар бар. Айылга дарыгер жумасына бир жолу район борбору Эржиштен келип турат. Активисттин айтымында, түрк өкмөтү аялдарга диний билим берген молдо айымдарды жиберет.
Түркиядагы Памир кыргыздары арасында элдик күүлөрдү билген комузчулар дээрлик жок калган. Бул уникалдуу чыгармалардын бир тобун билген Сайым Муллааса уулу жарды бүлөдөн чыгып, 12 жашынан өз далалаты менен жыгачка кыл тагып алып, күү черте баштайт. Памилден (Кичи Памирди өздөрү ушундай аташат) 17 жашында кеткен. Андан бери Кыргызстандан колго тийген кассеталардан угуп, Ала-Тоо кыргыздарынын бир топ чыгармаларын өздөштүргөн. "Узун-кыска 62 күү билем" дейт. Айыл башчысы Касымбектин короосунда өргүү үчүн тигилген боз үйдө отурдук. "Өзүмдүн комузум жок, бирөөдөн сурап алдым" деп ала келген өрүк комузда Памил кыргыздарына гана мүнөздүү болгон бир топ күүлөрдү чертти. Түркиянын чыгышындагы Улуу Памир айылындагы башка саналуу элдик өнөр ээлериндей эле, Сайымдын жолун жолдогон бир да үйрөнчүк шакирти жок. Сайым Муллааса уулунун аткаруусунда "Акбарак" деген арман күү. Жаңыл Жусупжан, Улуу Памир, Түркия
АКШда Бостон жардыруусу боюнча шектелген Жохар Царнаевге расмий айып тагылды.
Бостон жардыруусуна шектелип жаткан ага-ини Царнаевдердин энеси балдары күнөөлүү экенине ишенбейт.
«Болотная» орус бийликтерине каяша айткандарды кысымга алуунун символуна айланды.
Кошмо Штаттары Түндүк Кореяны "кооптуу чекке" жакындап калгандыгын эскертип, провокация жоопсуз калбай тургандыгын билдирди.
Дагы жүктөңүз
