"Азаттыктын" Оштогу кабарчысы. Ош мамлекеттик университетинин журналистика факультетин аяктаган.
Ош облустук ички иштер башкармалыгы 28-июнда Ноокат районундагы селден алты киши каза болгонун билдирди. Милициянын маалыматына ылайык, аларды суу агызып кеткен.
Ош шаарында жеке ишкер менен мейманкана ээсинин чыры социалдык тармактарга чейин тарап, коомчулуктун көңүлүн бурууда.
Оштун тургуну 14 жаштагы уулун белгисиз бирөөлөр барымтага алганын, бул боюнча милиция иш козгобой жатканын айтып чыкты.
Түркиядагы вандык кыргыздардын урпактары жарым кылымдан кийин ата журту Алайга келип, тууган-тушкандарына, анын ичинде эки-үч жыл мурун Памирден көчүп келген боордошторуна жолугуп кетти.
Өткөн апта соңунда кыргызстандык жаран Украинада туткунга түшкөнү тууралуу видео интернетке жарыялангандан кийин жакындары аны таанып, эки айдан бери дайынын табалбай жүрүшкөнүн "Азаттыкка" айтып беришти.
Кыргызстандын түштүк облустарындагы дарыгерлер тубаса кемтик төрөлгөн, онкологиялык жана өпкө оорусуна чалдыккан балдардын саны көбөйгөнүнө тынчсыздануусун билдирүүдө.
Өткөн апта соңунда кыргызстандык жаран Украинада туткунга түшкөнү тууралуу видео интернетке жарыялангандан кийин туугандары аны таанып, видеодогу киши Оштун тургуну экенин ырасташты. Алардын "Азаттыкка" айтымында, Алишер Турсуновду эки айдан бери издеп жатышкан.
ОшМУда окуп жаткан чет элдик студенттердин арасында кыргыз маданиятын жана каада-салтына кызыгып, үйрөнгөндөр да бар. Индиядан келген медицина факультетинин студенттери Мариям менен Жеймс Кыргызстанда билим менен кошо өнөр үйрөнүп жатышат.
Апта башында Оштун Араван районундагы айылдардын биринде жүздөн ашык киши чогулуп, жайыт жерди жеке колго берүүгө каршылык билдирип чыкты. Алар жайыт жерлер улам тарып баратканын, мурда дагы бир топ жер берилип кеткенин айтууда.
Апта соңундагы Бишкектеги окуядан кийин жер-жерлерде чет элдик студенттердин коопсуздугун камсыздоо үчүн чаралар көрүлгөнү айтылды. Өлкөнүн Ош, Жалал-Абад облустарында чет жактан келип окугандардын саны арбын. Ош мамлекеттик университетинде 10 миңге чукул чет өлкөлүк студент билим алат.
Кыргызстанда 28 миңден ашуун чет өлкөлүк студент бар. Басымдуу бөлүгү медицина багытында билим алуу үчүн Индия жана Пакистандан келгендер. Анын 10 миңдейи ОшМУда. Алар жашаган жатаканаларды азыр милиция кайтарып, кабатырланууга негиз жок экенин билдирди.
Оштогу эки кабаттуу үйдүн тургундары мэрия турак-жай "кызыл сызыкта" жайгашкан деп, көп жылдан бери газ жана суу өткөрбөй жатканына нааразы. Ош мэриясы бул үйдү коммуналдык түйүндөргө убактылуу кошсо болорун билдирди.
Үч округда парламент депутатын шайлоого байланыштуу оозеки жана жазуу түрүндө жалпысынан 50гө жакын кайрылуу түшкөнү расмий маалымдалды. Анын ичинде добуш сатып алуу боюнча чара көрүү суранычы камтылган кайрылуулар да бар.
Борбордук шайлоо комиссиясы Ош округунан ат салышып жаткан Бекмурза Эргешов менен Максат Маматкуловду жарыштан четтетти. Бул чечиминен кийин Маматкулов Биринчи Май райондук сотуна арыз менен кайрылып, четке кагылды. Ал эми Бекмурза Эргешовдун арызын Бишкектин административдик соту канааттандырды.
Жекшембиде Кыргызстандын үч аймагында – Ош, Баткен, Кара-Суу бир мандаттуу округдарда парламентке кезексиз шайлоо өтөт. Үгүт иштери жыйынтыкталып жаткан маалда, Ош шаарында шайлоо өнөктүгүнө аралашкан деп мамлекеттик кызматкерлер жумуштан алынды. Беш талапкер БШКга жана бийлик өкүлдөрүнө кайрылды.
Капар Медетбеков атындагы Талас облустук музыкалык драма театры Ош шаарына төрт күндүк чыгармачыл сапары менен келип, cпектаклдерин тартуулады.
Соңку күндөрү нөшөрлөп жааган жамгырдан улам Кыргызстандагы бир нече айылдарды сел каптады. Ош облусунун аймагында өзгөчө кырдаал режими киргизилди. Ишемби жана жекшембидеги селден аймакта бир киши каза таап, дагы бир киши чагылган тийип көз жумду.
20-апрелде нөшөр жаандан улам Ош облусунун Алай, Кара-Кулжа,Өзгөн,Кара-Суу райондорунда сел жүрүп,ондогон турак жайларга зыян келтирилди.
Дагы жүктөңүз
