“Азаттыктын” Бишкектеги фотокабарчысы жана спорт журналисти. Жусуп Баласагын атындагы Кыргыз улуттук университетинин журналистика факультетин аяктаган.
Кыргызстанда жарандык коом, медиа өкүлдөрү "Азаттык", "Кактус Медиа", "Клооп" маалымат агенттиктерине чабуулду айыптап, жүрүшкө чыгышты.
Бүгүн, 13-октябрда Бишкекте “Азаттык Медианын” кеңсесинин алдына 40тай киши чогулуп, “Азаттык”, “Клооп”, “Кактус Медиа” жалпыга маалымдоо каражаттарынын (ЖМК) жабылышын, бейөкмөт уюмдардын ишинин чектелишин талап кылышты.
Белградда өткөн Күрөшү боюнча Дүйнө чемпионатында кыргызстандык балбандар эки алтын, үч коло байге алышты.
Кыргызстандын тигүү тармагы бир жылда 4 млрд. 800 млн. сомдон ашык кийим-кечек товарын өндүрсө, анын 80% Орусия менен Казакстанга жөнөтүлөт. Мындан улам базарда түрдүү кызматтар пайда болгон. Мисалы, товар таңгактаган, товарларды жеткирген атайын Карго компаниялары көп.
Кыргызстанда мектептер 1-сентябрда окуучуларга эшигин ачты. 2020-жылы пандемияга байланыштуу мектептерде окуу токтотулуп, 2021-жылы окуу 15-сентябрда башталган эле.
Арстанбап - жаңгак токоюнун аянты 600 миң гектарга жакын. Илимпоздор токойду Кыргызстандын улуттук баалуулугу эле эмес, глобалдык жаратылыш ресурсу катары атап келишет. Токойдо жаңгактан башка бөрү карагат, ит мурун, чие, алча баштаган өсүмдүктөр да өсөт.
Быйыл негизги майрамдык иш-чаралар Чүй облусуна караштуу Аламүдүн районундагы Чуңкурчак жайлоосунда өтүп жатат. Салтанат көрүнүктүү саясий ишмер Байтик Канай уулунун (Байтик баатыр) 200 жылдыгына арналган маараке менен да коштолууда. (Сүрөттөрдүн айрымдары президенттин сайтынан алынды)
Бокс боюнча Бүткүл дүйнөлүк бокс ассоциациясынын версиясы боюнча (WBA) жарым оор салмакта Дүйнө чемпиону Дмитрий Бивол Кыргызстанга келди. Мушкер алдыдагы машыгууларын Ысык-Көлдө өткөрүп, күзүндө өтө турган беттешине даярданат.
13 жашар кыздын зордукталышына байланыштуу сот жараяны жүрүп жаткан мезгилде Свердлов райондук сотунун алдында кыздардын укугун коргоого акциясы өттү. Ага эки жүзгө жакын активисттер, укук коргоочулар катышты. Ушундай эле пикет Ош шаарында да шаардык милициянын алдында өтүт.
Быйыл Кыргызстанда тогуз миңден ашуун гектар жерди чегиртке каптаган. Азыр 47 миң гектар жерге атайын каражат жана техниканын жардамы менен дары чачылып жатат. Сүрөт баянда Чүй облусунун жайыттарындагы иштин жүрүшү баяндалат.
Кыргызстандык балбандар Бишкекте өткөн күрөш боюнча 17 жана 23 жашка чейинкилер арасындагы Азия чемпионатында жалпы 14 алтын, 12 күмүш, 12 коло байге алышты. Мелдештер “Бишкек-Арена” муз майданында өттү. Чемпионатка 11 өлкөдөн 600гө чукул спортчу келcе, Кыргызстандан 60 спортчу күч сынашты.
Бишкекте 17 жашка чейинкилер жана 24 жашка чейинки балбандар арасында Азия чемпионаты өтүп жатат. 17 чейинкилер арасындагы күрөш 22-июнда жыйынтыкталды. Бул ирет кыргызстандык балбандар алты алтын, бир күмүш жана алты коло байгеге ээ болду.
19-июндан 26-июнга чейин Бишкекте 17 жашка чейинки жана 23 жашка чейинкилер арасында күрөш боюнча Азия чемпионаты өтөт. Мелдешке 21 мамлекеттен спортчулар келери күтүлүп жатат. Кыргызстандан 60 балбан мелдешке катышат.
Футбол боюнча Азия кубогуна тандоо оюндарында Кыргызстан менен Тажикстандын улуттук курама командаларынын беттеши тең чыгуу менен аяктады. Буга карабай эки команда тең Азия кубогунун финалдык баскычына жолдомо алды.
Бишкекте өтүп жаткан футбол боюнча Азия кубогуна тандоо оюндарында Мьянма курама командасын Кыргызстан 0-2 эсебинде утту. Кыргызстандын эки голун тең чабуулчу Виктор Майер киргизип, оюндун мыктысы аталды. "Ак шумкарларды" президенттен баштап чет өлкөлүк күйөрмандарга чейин сүрөп турушту.
Дагы жүктөңүз
