Бишкекте 17 жашка чейинкилер жана 24 жашка чейинки балбандар арасында Азия чемпионаты өтүп жатат. 17 чейинкилер арасындагы күрөш 22-июнда жыйынтыкталды. Бул ирет кыргызстандык балбандар алты алтын, бир күмүш жана алты коло байгеге ээ болду. Эркин күрөш боюнча 22-июнда өткөн таймаштарда 65 килограмм салмакта Билол Шарип Азия чемпиону аталды. Ал эми 55 килограмм салмакта Аскат Токтоматов коло байге утту. Бүгүн “Бишкек-Арена” музмайданында 23 жашка чейинки балбандардын таймашы башталды.
