Кыргызстан 18 өлкөнүн катарында БУУнун Адам укуктары боюнча кеңешине 3 жылдык мөөнөткө мүчөлүккө шайланды. Нью-Йоркто 12-майда өткөн бул шайлоодо Кыргызстан үчүн 192 өлкөнүн 174ү добуш берген. “Кылым шамы” укук коргоо уюмунун башчысы Азиза Абдурасулова бул окуяга байланыштуу “Азаттыктын” суроолоруна жооп берди.
Жалал-Абаттын Ноокен районундагы Чек айылына Өзбекстан бир тараптуу чек ара бекетин орноткондугу белгилүү. Кыргыз бийлиги бул боюнча Өзбекстанга нота жөнөткөн, бирок өзбек тараптан расмий жооп боло элек. Саясат таануучу Токтогул Какчекеев “Азаттыктын” түз обосунда ушул жагдайга байланыштуу суроолорго жооп берди.
«Карек» бейөкмөт уюму жакында Барскоон кырсыгында жабыркаган 29 кишинин укугун коргоп, канадалык компанияны Биринчи май райондук сотуна берди. Мунун себеп жайын билүү үчүн бейөкмөт уюмдун башчысы Эркингүл Иманкожоеваны “Азаттыктын” таңкы түз обосунда кепке тарттык.
Өткөн аптада жарандык коомдун жоон тобу менен президент ортосунда кызматташтык меморандуму түзүлдү. Бирок, жарандык коомдун бир бөлүгү мындай жыйынга катышуудан баш тартты.
“Ата Мекен” партиясынын чакыруусу менен келаткан казакстандык бир саясатчы менен журналист мекенине кайтарылды. Ушул өңдүү буга чейинки бир катар фактылар боюнча укук коргоочулар кабатырланып, президентке кайрылышты.
Бүгүн Кыргызстандын алгачкы Баш мыйзамына он алты жыл болду. Бул аралыкта ал онго жакын өзгөрүүлөргө тушукту. 2007-жылы 21-октябрында референдумда кабыл алынган акыркы Баш мыйзамга да өзгөртүү киргизүү демилгелери көтөрүлүп келатат.
26-апрелдеги Петровка жаңжалы апта бою коомчулуктун назарын бурган башкы окуя болду. Окуянын себептери ар кыл өңүттө талкууланып, бир катар комиссиялар түзүлдү. Бул аралыкта Петровкада чыккан жаңжалдын себеп-жайы бүйүр кызыткан талкууларды жаратууда.
“Ак жол” партиясы бүгүн Бишкекте өтүп жаткан курултайында өз лидери Курманбек Бакиевди президенттик экинчи мөөнөткө талапкер кылып көрсөттү.
Экс-вице-премьер министр, "акжолчу" Элмира Ибраимованын партия лидери, президент К. Бакиевге, партиялаштарына кайрылуусу коомдук-саясий чөйрөнүн көңүлүн бурган апта ичиндеги орчундуу окуялардын бири болду.
“Азаттыктын” таңкы түз обосундагы бул жолку талкуу мына ушул суроонун тегеренди жүрүп, ага саясат таануучулар Орозбек Молдалиев, Бекбосун Бөрүбашев жана талдоочу Кадыр Кошалиев катышты.
Улуттук илимдер академиясынын сейсмология институтутунун жетекчиси Канат Абдрахматов өлкөдөгү сейсмикалык жагдай боюнча “Азаттыктын” түз обосунда кеп салып берди.
Президенттин катчылыгы оппозициянын талаптары дээрлик мыйзамдарга каршы келет деп билдирээри менен оппозиция лидерлери нааразылык акциялар аркылуу күрөшкө чыгаарын эскертишти.
14-апрелде Жогорку Кеңештин депутаты Санжарбек Кадыралиев киши колдуу мерт болду. Бул трагедия Кыргызстанда буюртма киши өлтүрүүлөр тыйылгандын ордуна кайра өнөкөт көрүнүшкө айланып баратканын көрсөттү. Күч органдары уюшкан кылмыштуулукка каршы мажүрөөлүк кылып жатабы же кылмыш чөйрөсү бийликтин башына чыгып алганбы деген убайым суроолор кыргыз журтун ой-санаага салып турган чагы.
Депутат Санжар Кадыралиевдин өлүмүн ИИМ иликтеп, аны парламенттин комитети көзөмөлдөйт. Координациялык кеңештин чукул отуруму ушундай чечим кабыл алды. Маркумдун сөөгү 16-апрелде өзүнүн туулган айылына коюлмай болду.
Өтүп бараткан аптада президенттик шайлоого талапкер болууну каалагандардын жоон тобунун аты коомчулукка белгилүү болду. Алардын арасына саясий салмагы күчтүү саналган саясатчылар кошулган жок.
Өтүп бараткан аптада коомчулукта президенттик шайлоого ыктымал талапкерлерди таразалоо уланды. Оппозициядагы көзүр саясатчылардын бири Өмүрбек Текебаев президенттикке талапкердиктен баш тартып, БЭКтин катарынан “Асаба” улуттук партиясы чыгып кетти.
Дүйнө коомчулугунун көңүлүн бурган Москвадагы эки тараптуу февраль макулдашууларынын негизинде Кыргызстандын капчыгына Орусиядан алгачкы 150 млн. доллар түштү. Бул окуяга аралаш айрым басылмаларда каржылык жардам көрсөтүү аркылуу Орусия Кыргызстандагы курал чыгаруучу ишкананы толук өз көзөмөлүнө алууга жетишкендиги жазылды.
“Ата мекен” партиясынын лидери Өмүрбек Текебаев президенттик шайлоого катышпай турган болду. Мындай чечимди партиянын саясий кеңеши чыгарып, саясий күчтөрдү бириктирүү зарылдыгы менен негиздеди.
Бүгүн бүтүн Кыргызстан боюнча Бириккен элдик кыймыл уюштурган каршылык акциялары өтүп жатат. Митинг акциялары Бишкекте, Балыкчыда, Токмокто, Нарында, Таласта, Сузак районунда, Гүлчө айылында болуп жатканы жөнүндө маалыматтар келүүдө.
Бүгүн Бишкекте жана аймактарда Бириккен Элдик кыймылдын демилгеси менен уруксат берилген нааразылык акциялары өткөнү жатат. Оппозиция бул акцияда бийликке беш талап коюп, аны аткарууга 20-апрелге чейин мөөнөт бермекчи.
Дагы жүктөңүз
