Cибирдин Томск шаарындагы көз карандысыз ТВ-2 каналы ишмердүүлүгүн токтотуп жатат. Буга Роскомнадзор мекемесинин каналдын лицензиясын узартпай койгону себеп болду.
Түркияда бийликтер президент Эрдоган душманы катары санаган диниятчы Фетхуллах Гүлендин “Хизмет” кыймылына байланышы бар Азия банкка көзөмөл орнотту.
Иранда Холокостту мыскылдаган карикатураларга сынак жарыяланды. Бул акция франциялык “Шарли Эбдо” журналына чыккан Мухаммед пайгамбардын карикатурасына жооп иретинде уюштурулган. Буга чейин француз журналында пайгамбарды мазактады делген сүрөт бир катар мусулман өлкөлөрдө нааразылык жараткан эле.
Түркмөнстанда жашап, унаа сатып алууну кааласаңыз, ак түстөгүсүн тандаганыңыз жөндүү. Анткени түркмөн бийликтери башка түстөгү унааларды өлкөгө киргизүүнү токтотуп, экспортерлорго ак түстүү машинелерди алып келүү кеңешин берди. Бул сунушту түркмөн президенти Гурбангулы Бердимухамедовдун ак түстү жакшы көргөнү менен байланыштырып жатышат.
Орусияда “мамлекетке чыккынчылык кылды” деген айып менен камалган Светлана Давыдованы боштондукка чыгаруу үчүн кол топтоо жүрүп жатат. Жети баланын энеси Давыдованы Федералдык коопсуздук кызматы 21-январда камакка алган.
Өзбекстандын Навои шаарындагы металлургиялык заводдун жумушчулары президенттикке талапкер Ислам Каримовду колдоо баракчаларына мажбурлап кол койдуруп жатышканын айтып чыгышты.
Алматы 2022-жылкы кышкы олимпиаданы өткөрүү укугуна ээ болсо, казак бийликтери дүйнөлүк мелдештер үчүн 2 миллиард доллардан ашык каражат жумшоого даяр.
Президент Александр Лукашенко Беларус Евразия экономикалык биримдигинин “саясий” макам алышына каршы экенин билдирди.
Украина чыгышында өкмөттүк аскерлер менен орусиячыл жикчилдер ортосундагы кармаш уланууда. Жикчилдер аймактагы Дебальцево шаарын курчоого алганын айтышууда.
Standard&Poor's эл аралык рейтинг агенттиги Орусиянын кредиттик көрсөткүчүн эң төмөнкү баскычка түшүрдү.
Украинанын Жогорку Радасы Орусияны “агрессор өлкө” деп жарыялады. Мындай резолюцияны украин парламенти шейшембиде кезексиз жыйында кабыл алды.
Тажикстандын Ховалинг аймагында мыйзамсыз курулган мечиттерди үй-жайы жок, жаш үй-бүлөлөргө турак жай катары беришүүдө. Учурда эч кандай уруксат алынбай курулган беш мечиттин имаратына он үй-бүлө киргизилди.
Ушул аптада Кыргызстан Женевада БУУнун Адам укуктары кеңешинде төрт жылда берилчү улуттук баяндамасын окуду. Демократиялык принциптерди негиз кылган Кыргызстандын жетишкендиктери менен өксүктөрү эмнеде?
Ооганстан жана Түркмөнстан аймактагы төрт өлкөнү туташтырган газ куурун курууну пландоодо. Бул ооган президенти Ашраф Ганинин Ашхабадга расмий сапары учурунда сүйлөшүлдү.
Эл аралык Кризистик топ борбор азиялыктардын Сирияга жихадга кетип жатышынын себептерин атады.
Евробиримдик терроризмге каршы күрөшүү боюнча кеңири альянс түзүүгө чакырды. Мындай чара өткөн апталардагы Франциядагы террордук кол салууларга жооп катары бааланууда.
Женевада БУУнун Адам укуктары кеңешинде Кыргызстандын экинчи улуттук баяндамасы талкууланды. Баяндаманы вице-премьер-министр Абдырахман Маматалиев жасады.
Өзбек президенти Ислам Каримов өлкө башчылык үчүн 5-мөөнөткө ат салышат. Анын талапкерлигин Либералдык Демократиялык партиясынын жана Ишкерлер кыймылынын биргелешкен жыйынында көрсөтүштү.
Тажикстанда билим берүү мекемелерине президент Эмомали Рахмондун “Тажиктер тарыхтын таризинде” аттуу китебин окуу сунушталды. Мындай буйрукту өлкөнүн Билим берүү министрлиги чыгарды.
Борбор Азиядагы ооган коркунучу тууралуу Тажикстандын борбору Дүйшөмбүдөгү Ооганстан жана аймакты изилдөө борборунун эксперти Рахматтуло Абдуллоев “Азаттыкка” маек курду.
Дагы жүктөңүз
