"Азаттыктын" Бишкектеги бюросунун кызматкери, журналист, педагог-режиссер.
Маданият жана маалымат министри Султан Раев жакында эле АКШда Голливудга барып, кыргыз эпосторун экрандаштыруу жана биргелешкен кызматташтыкты жолго коюу ино боюнча маселелерди сүйлөшүп келди.
БЭКтин талаптарын колдогон митингдер 27-мартта Бишкек шаары менен катар Чүй облусунда ар бир райондо өтөт. Нааразылык акциясын уюштуруу боюнча атайын облустук штаб түзүлүп, иш алып барып жатат. Бул жөнүндө “Ата Мекен” партиясынын Чүй областтык уюмунун төрагасы Туратбек Мадылбеков “Азаттыктын” таңкы маегинде билдирди.
Оппозициялык күчтөр 27-мартта бүтүн өлкө боюнча өтө турган каршылык акциясына даярдык көрүүдө. БЭК коюп жаткан максат - бийликти кулатып, убактылуу өкмөт түзүүгө жетишүү.
13-мартта Кой-Ташка бараткан жолдо болгон автокырсыкты иликтөөнү президент К.Бакиев ИИМ жана Башкы прокуратурага тапшырып, өзү көзөмөлдөй турган болду. Оппозициячыл саясатчылар болсо унаанын ичинде президенттин администрациянын мурдагы жетекчиси М.Садыркулов бар деген божомолдор чын болсо, анда бул бийлик тарабынан уюштурулган кол салуу болушу толук ыктымал дешүүдө.
“Азаттыктын” таңы уктурууларындагы маектеш - “Ата Мекен” партиясынын Нарын облусу боюнча координатору Алманбет Шыкмаматов болду.
Өлкө башчысы К.Бакиев элге берген убадаларын аткарбай, үй-бүлөлүк, коррупциялык башкарууга жол бергендигинен улам 27-мартта нааразылык акциясы өткөрүлөрүн “Ата Мекен” партиясынын төрагасынын орун басары Дүйшөн Чотонов “Азаттыктагы" маегинде айтты.
Оппозиция 27-мартта бүт өлкө боюнча саясий акцияларды өткөрүү жана бийлик менен сүйлөшүүлөрдү токтотуу чечими кабыл алынганын жарыялады. Өлкөдөгү соңку саясий кырдаал, бийлик менен оппозициянын мамилеси тууралуу “Азаттыктын” түз ободогу суроолоруна саясат таануучу Токтогул Какчекеев жооп берди.
БЭК бийлик менен сүйлөшүүгө барбастыгы жана 27-мартта бүткүл республика боюнча саясий нааразылык акцияларын өткөрүү тууралуу чечим кабыл алганын “Ак шумкар” партиясынын төрагасы жана БЭКтин лидерлеринин бири Темир Сариев “Азаттыктын” таңкы маегинде кеп салып берди.
Оппозиция бийлик менен алгачкы жолугушуудагы болгон сөзгө канааттанбаганын “Азаттыктын” таңкы маегинде БЭКтин катчылыгынын жетекчиси Асанбек Сарыбаев билдирди.
Ооруканада жаткан журналист Сыргак Абдылдаевдин окуясынан кийин журналисттердин коопсуздугу жөнүндө маселе коомчулуктун оозунан түшө элек. “Азаттыктын” таңкы уктурууларында «Репортер-Бишкек” гезитинин башкы редактору Турат Акимов сөз эркиндиги жана коопсузугу жөнүндө ой-пикир бөлүштү.
Коомдук ишмер Тойгонбек Калматов “Азаттыктагы” маегинде бийлик менен оппозициянын тил табышуу аракеттери жана оппозициялык лидерлердин камалышы жөнүндө ой-пикир бөлүштү.
“Азаттыктын” Бишкек студиясында түз эфирде өткөн тегерек үстөл талкуусуна коомдук ишмер, экс-спикер А.Матубраимов, парламенттеги “Ак жол” фракциясынан депутат А.Калмаматов, “Улуу биримдик” партиясынын лидери Э.Каптагаев катышты. Анда “Акыйкат үчүн” кыймылынын лидери Аликбек Жекшенкуловдун камалышы, өлкөдөгү саясий абал тууралуу кеп болду.
Кыргызстанда кыз ала качуу каржылык тартыштыктан улам көбөйүп баратканын жана мындай ыкма менен үй-бүлө куруу аялдарга зомбулук көрсөтүүнүн бир түрү экендиги жөнүндө Кыргызстан аялдар конгрессинин төрайымы Замира Акбагышева “Азаттыктын” таңкы маегинде кеп салып берди.
Саясий баяндамачы Сыргак Абдылдаевди бычактап кеткендерди таап жазалоону президент өзү жеке көзөмөлгө алышын журналисттик уюмдар талап кылышууда.
Президент Курманбек Бакиев Би-би-си дүйнөлүк кызматына интервью берип жатып, “Манас” аба майданындагы коалициялык аскерий аба базасын АКШ сактап калууга аракет көрсө эшик ачык деп билдиргени коомчулуктар ар кандай пикир жаратууда. Айрым байкоочулар муну Кыргызстандын эл аралык аброюн түшүргөн бийликтин эки жүздүү саясатынын натыйжасы дешсе, бийликчил саясатчылар болсо муну эл аралык мамилелерде кездешүүчү кадыресе көрүнүш катары карашууда.
27-февралда АКШ Мамлекеттик департаментинин Баңгизатка каршы күрөш боюнча эл аралык бюросунун жылдык баяндамасы жарык көрүп, анда Кыргызстанда маңзаттарга каршы күрөш солгундап кеткени айтылган.
Amnesty International уюму Кыргызстан адам укуктары боюнча ишкердүүлүктү олуттуу чектеген өлкөлөрдүн катарына киргизилиши мүмкүндүгү боюнча билдирүү таратты. Бир катар укук коргоочулар да өлкөдө бул жааттагы абал кыйындап баратканын айтууда.
Айрым укук коргоо уюмдарынын өкүлдөрү ИИМдин тез аракеттенчү күчтөрдүн отрядынын курамын көбөйтүү аракетин тынч митинг, пикеттерди таркатууга даярдык катары эсептешүүдө.
25-февралда өкмөт үйүндө президент Курманбек Бакиевдин төрагалыгында Улуттук кеңештин отуруму болуп, өлкөнүн 2009-2011-жылдардагы өнүгүү стратегиясы кабыл алынды.
Президент К.Бакиев жаңы Салык Кодексинде чийки маселелер бар экенин моюнга алып, экономиканын кызыкчылыктарына шайкеш келген өзгөртүүлөрдү жана толуктоолорду киргизүү боюнча сунуштарды иштеп чыгуу жөнүндө өкмөткө тапшырма берди.
Дагы жүктөңүз
