Стамбулда көчмөндөр таймашат

Фестивалга Кыргызстан, Казакстан, Иран, Ооганстан, Жапония жана Монголия сыяктуу 14 өлкөнүн улуттук оюндарынын спортчулары катышып жатат.

883 спортчу өз өнөрлөрүн көрсөтүп, таймашат.

Кыргызстандан келген спортчулар көк бөрү, жаа атуу, ордо, тогуз коргоол сыяктуу көчмөндөрдүн улуттук оюндары боюнча күч сынашат.

Кыргызстандык ат үстүндөгү акробаттар тобунун ачылыш аземиндеги программасы көрүүчүлөрдүн айрыкча алкышына татыды.

Иш-чарада 43 боз үй тигилип, мелдештер түрк тилдүү өлкөлөрдөн келген өкүлдөрдүн концерттик программасы менен коштолду.

Фестивалдын катышуучусу

Уюштуруучулар бул жылы өзгөчөлөнүп көчмөн маданиятын тааныткан улуттук даамдарды дагы келген конокторго сунушташты.

Фестивалдын алкагында Түркиянын аймактарынан келген кол өнөрчүлөрдүн көргөзмөлөрү, сынактар уюштурулган.

Быйыл үчүнчү жолу уюштурулуп жаткан иш-чара Дүйнө этноспорт конфедерациясынын колдоосу менен өтүп жатат.

Фестивалдын катышуучусу

13 өлкөдөн келген ашпозчулардын жасаган тамактары фестиваль өтүп жаткан аянттын чок ортосунда жайгаштырылды.