Кыргызстандын мамлекет башчысы Садыр Жапаров Тажикстанга болгон эки күндүк иш сапарынан кийин Өзгөнгө барды. Бул тууралуу президенттик аппараттын басма сөз кызматы кабарлады.
"Өзгөн-Мунара-2021" фестивалына катышкан мамлекет башчысы иш-чаранын уюштуруучуларына элдин руханий, маданий жана адеп-ахлактык өнүгүүсүнө кошкон салымы үчүн ыраазычылык билдирди.
Маданият, маалымат, спорт жана жаштар саясаты министрлигине ЮНЕСКОнун дүйнөлүк маданий мурастарынын тизмесине "Өзгөн" тарыхый комплексин 2025-жылга чейин киргизүүнү тапшырды.
Иш-чарага Жогорку Кеңештин депутаттары, тарыхчылар, изилдөөчүлөр, маданият ишмерлери, Түрк тилдүү мамлекеттер кызматташтыгынын кеңешинин башкы катчысы Багдад Амреев, Түрк тилдүү мамлекеттердин парламенттик ассамблеясынын (ТүркПА) башкы катчысы Алтынбек Мамаюсупов жана ЮНЕСКОнун Казакстан, Кыргызстан жана Тажикстандагы өкүлү, кластердик бюронун директору Криста Пикат катышты.
Өзгөн мунарасы архитектуралык комплекси - бир мунара, үч мавзолейден турат. Архитектуралык комплекс XI-XII кылымдарда караханиддер доорунда курулган. (ZKo)
Дагы караңыз
IFJ Ооганстандагы журналисттердин абалына тынчсыздандыБир тайпада 93 бала. Ошто бала бакча тартыштыгы чечиле элек Президенттик администрация: Калиев менен Авазовду бошотууну депутаттар өтүнгөн Бишкекте Алия Шагиеванын көркөм нааразылык акциясы өтүүдөГенералдын кооптуу абакка которулушу талкуу жаратты ШКУ саммити: 30 документке кол коюлду"Кумтөр иши": УКМК дагы бир мурдагы премьерди камады ЖЭБ иши: Калиев менен Авазов абактан чыктыШахматчы Гаприндашвили Netflix компаниясын сотко берди