Москвада өткөн оппозициялык митингге он миңдеген адамдар катышты. Атайын резолюция кабыл алынды. Путиндин миңдеген тарапкерлери дагы акция өткөрдү.
Москва полициясы “Таза шайлоо үчүн” деген ураан астында бийликке нааразы болгондордун митингине 90 миң чамалуу адам чогулганын кабарлады.
"Азаттыктын" Москвадагы кабарчысы Аида Касымалиева митинг өткөн жерден кабарлайт:
Сиздин браузер HTML5 ыкмасын колдобой жатат.
Москвада митинг тынч өттү
Митингдин талаптары жазылган резолюция кабыл алынды:
1. Саясий туткундарды жана адилетсиз соттолгондорду бошотуу;
2. Мамлекеттик Думага болгон шайлоонун жыйынтыгын жокко чыгаруу;
3. Чуровду кызматтан кетирүү, бурмаланган добуштардын баарын иликтөө, күнөөлүүлөрдү жоопко тартуу;
4. Оппозициялык партияларды каттоо, саясий системаны, шайлоо жөнүндө мыйзамдарды жазга чейин реформалоо;
5. Мөөнөтүнөн мурда парламенттик жана президенттик шайлоолорду өткөрүү;
6. Митинг Путинге бир дагы добуш бербөөгө чакырат;
7. Митинг шайлоодо байкоочу болуп катталууга чакырат;
Сиздин браузер HTML5 ыкмасын колдобой жатат.
Москвада нааразылык митинги өтүүдө
Оппозициялык демонстрацияга удаа эле премьер Путиндин миңдеген жактоочулары Москванын Поклонная Гора деген жерине чогулду.
Сиздин браузер HTML5 ыкмасын колдобой жатат.
Москвадагы Путинди колдогон акция
Бүгүнкү акциянын алдында 4-февралда Москвада төрт ири митинг өтөөрү кабарланган: оппозициялык күчтөр уюштурган "Таза шайлоо үчүн!" акциясы, премьер-министр Путинди колдогон акция, "Таза шайлоо жана демократия үчүн" деген аталыштагы митинг жана ЛДПР партиясынын Пушкин аянтындагы митинги.
Буга чейин 10-декабрда да, 24-декабрда дагы оппозициянын миңдеген адамдардын башын бириктирген акциялары өткөн. Эки митингде тең чогулгандар 4-декабрда өткөн парламенттик шайлоонун жыйынтыгына нааразылык билдиришкен.
4-декабрда Орусияда өткөн парламенттик шайлоонун жыйынтыгы боюнча бийликтеги “Бирдиктүү Орусия” партиясы алдыга озуп чыккан.
