Орусиядагы оппозициячыл саясатчы Алексей Навальный былтыркы августтагы Сибирдеги уулануудан айыккан соң, Германиядан Москвага кайтып келген чагында Орусиянын коопсуздук күчтөрү тарабынан кармалышы дароо Кремлге карата нааразылык менен ачуу сын-пикирлерди жаратты. Навальный түшкөн учак 17-январда кечкурун «Шереметьево» аба майданына кондурулган жана оппозициячы саясатчы тез арада тартип сактоо күчтөрү тарабынан кармалган.
The detainment of Alexey #Navalny upon arrival in Moscow is unacceptable. I call on Russian authorities to immediately release him.
— Charles Michel (@eucopresident) January 17, 2021
Орус бийлигинин бул кадамына карата нааразы болгон билдирүүлөр дароо эле тарады. Европа Кеңешинин төрагасы Шарль Мишел Кремлди сындап жүргөн 44 жаштагы саясатчынын кармалышын «жол берилбей турган жорук» катары сындап, аны тез арада бошотууну талап кылды. Брюсселде Евробиримдиктин өкмөттөрүн багыттаган Мишел мырза «Твиттердеги» барагында: «Мен орус бийлигин аны тезинен бошотууга чакырам», – деп жазды.
Ал эми Балтика өлкөлөрүнүн – Литванын, Латвиянын жана Эстониянын жетекчилери саясатчы Навальныйдын кармалганы тууралуу жаңылыкка карата биргелешкен билдирүүсүндө расмий Москвага каршы «чектөө чараларын көрүүгө» чакырышты.
Joint statement by 🇪🇪🇱🇻🇱🇹: Detaining Alexei @Navalny by the Russian authorities is completely unacceptable. We demand his immediate release. EU should act swiftly and if he is not released, we need to consider imposition of restrictive measures in response to this blatant act”
— Gabrielius Landsbergis (@GLandsbergis) January 17, 2021
Литванын тышкы иштер министри Габриэлюс Ландсбергис «Твиттердеги» барагында Навальныйдын «орус бийлиги тарабынан кармалышы таптакыр жол берилбейт» жана «Биз анын токтоосуз бошотулушун талап кылабыз» деп жазды. «(Евробиримдик) тез арада иш-аракетке өтүшү керек жана эгерде ал бошотулбаса, анда биз бул ачыктан-ачык жасалган аракетке байланыштуу чектөө чараларын көрүүнү карашыбыз керек», деп кошумчалады Ландсбергис.
Zatrzymanie @Navalny to kolejna próba zastraszenia demokratycznej opozycji w Rosji. Szybka i jednoznaczna reakcja na poziomie UE jest niezbędna. Poszanowanie praw obywatelskich stanowi podstawy demokracji. Apeluję do władz w Rosji o natychmiastowe uwolnienie zatrzymanego.
— Mateusz Morawiecki (@MorawieckiM) January 17, 2021
Польшанын премьер-министри Матеуш Моравецки да «Твиттердеги» барагында эгерде Навальный бошотулбаса, анда «Евробиримдиктин деңгээлинде ыкчам жана так жооп кайтарууга» чакырды.
АКШнын шайланган президенти Жо Байдендин 20-январда кызматка киришүүгө камынып жаткан администрациясынын өкүлдөрү да Навальныйдын тез арада бошотулушун талап кылышты жана «анын өмүрүнө кыжыр кайнаткан кол салуу далалатын жасагандар жоопко тартылууга тийиш» деп билдирди.
Mr. Navalny should be immediately released, and the perpetrators of the outrageous attack on his life must be held accountable. The Kremlin’s attacks on Mr. Navalny are not just a violation of human rights, but an affront to the Russian people who want their voices heard.
— Jake Sullivan (@jakejsullivan) January 17, 2021
Маселен, Жо Байдендин улуттук коопсуздук боюнча кеңешчиси болуп дайындалганы жаткан Жейк Салливан расмий Кремлди саясатчы Навальныйды дароо боштондукка чыгарууга чакырды. Өзүнүн «Твиттердеги» барагында ал «Навальныйга каршы чабуул тек гана адам укуктарын бузуу болуп чектелбейт. Бул өз үнүн угузууну эңсеген орусиялыктарды мазактоого тете», деп жазды.
Навальныйды бошотууга сенатор Берни Сандерс да чакырды. «Кимде-ким өз өлкөсүндөгү демократиянын салтанатына салым кошсо жана жемкорлукка каршы күрөшсө, анда ага Кошмо Штаттар тилектештик билдирүүгө тийиш», деп Сандерс 17-январда «Твиттерде» жарыялаган сөзүндө баса белгиледи. (TT)