"Башыңды көтөр, кор болбо..."

Бишкекте аялдардын тилектештик маршы өтүп, ага жүздөн ашуун адам катышты. 

Чогулгандар "Россия" кинотеатрынын жанынан баштап Курманжан Датканын айкелине чейин жөө барышты. 

Тынчтык маршынын коопсуздугун камсыздоого милиция кызматкерлери да тартылган. 

Жүрүшкө чыккандардын катарында саясатчы Равшан Жээнбеков, укук коргоочу Рита Карасартова, активист Эдил Байсалов жана экс-депутат Асия Сасыкбаева болду.

Буга чейин социалдык тармактарда маршты өткөрүүгө каршы болгондор чагымчыл аракеттерге барышы ыктымал экендиги айтылган.

Феминисттик идеяларды карманган ондогон адамдар өткөн жылы 8-мартта да жөө жүрүшкө чыгышкан.

Анда аялдарга карата зомбулукту жоюу, кыз-келиндерге карата кодулоону токтотуу жана алардын укуктарын коргоо тууралуу чакырыктар айтылган.