19-ноябрда Бишкекте футболдон Кыргызстан жана Азербайжан өлкөлөрүнүн курама командаларынын жолдоштук беттешүүсү болду.
19-ноябрда Бишкектеги Дөлөн Өмүрзаков атындагы борбордук стадиондо Кыргызстан жана Азербайжандын тандалма командасынын жолдоштук беттешүүсү башталды. Жолдоштук беттешүүгө калыстык кылуу үчүн Казакстандан Артем Кучин баштаган калыстар тобу атайын чакырылды.
Кыргызстандын командасы эки ай ичинде бир нече жолдоштук беттешүүлөрдү өткөргөн. 11-октябрда Бишкекте Дөлөн Өмүрзаков атындагы стадиондо Кувейттин тандалма командасы менен беттешип, анда 3:0 эсебинде жеңишке жетишкен. 15-октябрда Тажикстандын тандалма командасы менен беттешип, 4:1 эсебинде жеңилген. Андан кийин Катардын футболчулары менен беттешмек, бирок бул оюн кийинкиге калган.
1-ноябрда кыргызстандык футболчулар Индонезияга барып, Жакарта шаарындагы жолдоштук беттешүүгө катышкан. Анда 4:0 эсебинде Индонезиянын тандалма командасы кыргызстандык футболчуларды утуп алышкан. Андан кийин 11-ноябрда Кувейт өлкөсүнө барып, алардын жаштар тандалма командасы менен күч сынашты. Бул беттешүүнүн жыйынтыгы 1:0 эсебинде кувейттиктердин жеңиши менен аяктаган.
Кыргызстан жана Азербайжандын тандалма командасы алгач ирет 1993-жылы беттешип, 3:2 эсебинде азербайжандыктар уткан. 2007-жылы Чымкент шаарында өткөн Алма ТВ кубогунда Кыргызстандын командасы 1:0 эсебинде Азербайжандын футболчуларынан жеңилген.
Кыргызстандын мыкты чабуулчуларынын бири Мирлан Мурзаев жаракат алып калгандыктан беттешүүгө катышкан жок. Ошондой эле Африканын Гана өлкөсүнүн жараны Даниэл Тэго менен азербайжандык Ильгар Набиев да бул беттешүүгө катышууга акысы жок. Себеби алар учурда Кыргызстандын жарандыгын алыша элек.
Оюндун экинчи жарымында бир топ убакыттан бери дарыланып жүргөн чабуулчу Азамат Байматов футбол талаасына чыгып, өзүнүн чеберчилигин көрсөтө алган жок.
Бул беттешүүгө чет өлкөлөрдө келишим менен ойноп жүргөн бир нече футболчу атайын чакыртылды. Мисалы, Казакстандын “Спартак” командасында ойноп жүргөн Анатолий Власичев, Киевдин “Динамосунда” ойногон Ахлетдин Исраилов, Орусиянын “Химик-Дзержинск” командасында ойноп жүргөн Валерий Кичин да беттешүүгө катышып, дурус ойноду.
19-ноябрдагы беттеште эсеп ачылган жок. Оюн 0:0 эсебинде жыйынтыкталды, аны көрүүгө 15 миңдей күйөрман келди. Жолдоштук беттеште кыргызстандыктардан Вадим Харченко, Ахлидин Исраилов, Валерий Кичин, Дэвид Тете, азербайжандыктардан Жихан Озкара, Махир Шукюров, Вугар Надиров мыкты оюн көрсөттү.
15-октябрда азербайжандык футболчулар өз талаасында Орусиянын курама командасын кабыл алып, 1:1 эсебинде тең чыгышкан.
Оюн курч мүнөздө өттү. Кыргызстандык футболчулардын чет өлкөлөрдө машыгуусу натыйжа берип, чеберчилиги жогорулаганы байкалды, - деди “Азаттыкка” “Алга” футбол клубунун ардагери, республикалык балдар футбол мектебинин жетекчиси Мехлис Кошалиев.
Кыргызстандын командасы эки ай ичинде бир нече жолдоштук беттешүүлөрдү өткөргөн. 11-октябрда Бишкекте Дөлөн Өмүрзаков атындагы стадиондо Кувейттин тандалма командасы менен беттешип, анда 3:0 эсебинде жеңишке жетишкен. 15-октябрда Тажикстандын тандалма командасы менен беттешип, 4:1 эсебинде жеңилген. Андан кийин Катардын футболчулары менен беттешмек, бирок бул оюн кийинкиге калган.
Кыргызстан жана Азербайжандын тандалма командасы алгач ирет 1993-жылы беттешип, 3:2 эсебинде азербайжандыктар уткан. 2007-жылы Чымкент шаарында өткөн Алма ТВ кубогунда Кыргызстандын командасы 1:0 эсебинде Азербайжандын футболчуларынан жеңилген.
Оюндун экинчи жарымында бир топ убакыттан бери дарыланып жүргөн чабуулчу Азамат Байматов футбол талаасына чыгып, өзүнүн чеберчилигин көрсөтө алган жок.
19-ноябрдагы беттеште эсеп ачылган жок. Оюн 0:0 эсебинде жыйынтыкталды, аны көрүүгө 15 миңдей күйөрман келди. Жолдоштук беттеште кыргызстандыктардан Вадим Харченко, Ахлидин Исраилов, Валерий Кичин, Дэвид Тете, азербайжандыктардан Жихан Озкара, Махир Шукюров, Вугар Надиров мыкты оюн көрсөттү.
Оюн курч мүнөздө өттү. Кыргызстандык футболчулардын чет өлкөлөрдө машыгуусу натыйжа берип, чеберчилиги жогорулаганы байкалды, - деди “Азаттыкка” “Алга” футбол клубунун ардагери, республикалык балдар футбол мектебинин жетекчиси Мехлис Кошалиев.
Кыргызстан-Азербайжан: эсеп тең болду