Жер-жерлерде балдарын медреселерде окутууга ынтызар ата-энелердин катары өсүп жаткандыгы айтылууда. Бул аралыкта Ички иштер министрлиги ата-энеси бар балдардын мечиттерде конуп-түнөп калышы экстремисттик-радикалдык идеологиянын таасирине кирип кетпес бекен деген чочулоосун билгизди. “Азаттыктын” кабарчылары балдардын диний таалим алуусунун ушул өңүттөрүнө кайрылышты.
Баткендин Тажикстан менен чектеш Кара-Бак деген айылында жалпыга билим берүүчү мамлекеттик бир толук, бир толук эмес мектеп, ондон ашык мечит-намазкана, бир медресе бар. Орто мектепте билим алып жаткан эки бала Куран жаттап «Кары» макамын алышкан. Орто мектепте окуган 32 бала айылдык медреседе жашап, диний билим алат экен. Мектебинен медресеси көп Кара-Бак айылына кабарчыбыз Жеңиш Айдаров барып келди.
Сиздин браузер HTML5 ыкмасын колдобой жатат.
Баткен: Мектебинен мечити көп айыл
Ошто он күндөн кийин мечиттердеги окутуу лагерлери ишин баштайт. Бирмечитте кеминде 50-60, болбосо жүзгө чукул бала күнү-түнү жатып билим алат. Кээ бир жерлерде балдарга Ислам университетинин студенттери, айрым мечиттерде имамдар сабак өтөт. Бирок ошол эле кезде диний лагерлерде окуу шарт начар экендиги жана андагы балдар ар кандай агымдарга азгырылып кетүү ыктымалдыгы жогору экени айтылууда. Толугураак кабарчыбыз Эрнист Нурматов айтып берет.
Сиздин браузер HTML5 ыкмасын колдобой жатат.
Ош: диний лагерден кийинки жол...
Жалал-Абадда медресеге ыктаган окуучулардын саны арбыды. Учурда облус аймагында апты медресе каттоодон өтсө, алардын ичинен экөө кыздар медресеси. Адистер болсо бул окуу жайлардын лицензияларын кайрадан карап чыгууну сунуштап жатышат. Анда билим алып жаткан жаштар менен кабарчыбыз Руслан Калматов баарлашкан.
Сиздин браузер HTML5 ыкмасын колдобой жатат.
Жалал-Абад: медресеге ыктаган окуучулар
Нарын шаарында салынып жаткан 80 орундуу медресе ушул күздө ачылганы турат. Буга ислам илимин терең окууга умтулган мектеп окуучуларынын көбөйгөнү себеп болууда. Учурда Нарын облустук казыяттынын алдындагы балдар медресесинде 33 бала тарбияланып жатат. Алардын басымдуу бөлүгү 9-классты аяктаган соң мектепти токтотуп, медреседен билимин улантып жаткандар. Теманы аймактан кабарчыбыз Мирлан Кадыров улантат.
Сиздин браузер HTML5 ыкмасын колдобой жатат.
Нарын: медреседе окугандардын үмүтү
Ички иштер министрлиги Кыргызстанда миңдей баланын мечиттерде жашап жатканын жарыялаган. Бирок Муфтият бул маалыматты четке кагууда. Билим берүү министрлиги Кыргызстандагы бир да медресеге балдарды окутууга лицензия бербегенин билдирди. Кененирээк кабарчыбыз Ыдырыс Исаков баяндайт.
Сиздин браузер HTML5 ыкмасын колдобой жатат.
Мечитте түнөгөн балдар
Жылдан жылга балдарын жайкы медреселер, ислам лагерлерине жиберген ата-энелердин саны көбөйүүдө. Мындай окуу жайлар жеткинчектердин тарбиясына кандай таасир этет? Балдар арасындагы радикалдашуунун себеби чаржайыт ачылып жаткан диний окуу жайларда эмеспи? Радикалдашуунун алдын кантип алса болот? Кабарчыбыз Бактыгүл Чыныбаеванын суроолоруна Ош мамлекеттик университетинин Теология факультетинин мудариси диний эксперт Зайнабидин Ажыматов жооп берди.
Сиздин браузер HTML5 ыкмасын колдобой жатат.
Балдарды радикализмден кантип сактайбыз?