Өрттүн сүрөтү тартылган видео, сүрөттөр интернетке жарыяланууда. Анда базардын азык-түлүк саткан бөлүгүнө кире бериште жайгашкан имарат өрттөнүп, коюу кара түтүн абаны каптап турганын көрүүгө болот.
ӨКМ өрттү өчүрүүгө беш топ тартылганын кабарлады. Тилсиз жоо тууралуу маалымат түшкөндөн кийин өрт өчүрүүчүлөрдүн биринчи тобу 9:48де чыгып кеткен. Кырсыкка эмне себеп болгону азырынча белгисиз.
Өрт чыккан дүкөндөрдүн сатуучулары жер төлөдөгү товарларын алып чыгуу аракет кылды.
Өрт бүгүн саат 09:30дар чамасында Бейшеналиев менен Киев көчөлөрүнүн кесилишиндеги "Сейтек" дүкөндөр комплексинде чыккан. Аны өчүрүүгө беш топ тартылып, өзгөчө кырдаалдар министри Кубатбек Боронов да барган.
Сиздин браузер HTML5 ыкмасын колдобой жатат.
Боронов: Өрт өчкөндөн кийин себебин аныктайбыз
Жалпы ондогон соодагердин павильонун өрт чалганы айтылууда. Алдын ала маалыматтар боюнча жараат алгандар жана курмандыктар жок. Кырсыктын себептери тактала элек.
Сиздин браузер HTML5 ыкмасын колдобой жатат.
Ош базарында өрт чыкты
Бул суук күчөгөндөн бери Бишкекте чыккан үчүнчү өрт. 27-январь күнү кечки саат алтыдан кийин Асанбай кичи районундагы 29-үйдөн өрт чыгып, бир аял түтүнгө ууланып каза болгон. Бул тууралуу Өзгөчө кырдаалдар министрлиги маалымдады. Тилсиз жоо 19:37де толук өчүрүлгөн. Өрттүн чыгуу себеби такталып жатат.
28-январда 3-кичи районундагы көп кабаттуу үйдөн өрт чыккан. Кырсыктан эч ким жабыркаган эмес.
Суукта тутанган өрт
"Азаттыктын" материалдарына пикир калтырууда төмөнкү эрежелерди так сактоону өтүнөбүз: адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлерди жазууга болбойт. Эрежени сактабай жазылган пикирлер жарыяланбайт.