Айыл башчы Касымбек Шакир уулу айыл сакчысы Мехмет Турду (солдо) менен, Улуу Памир айылы, Түркия.
Түркиядагы ооган кыргыздарынын айылын эл шайлаган айыл башчы Касымбек Шакир уулу Варол башкарат. "Улуу Памир - 35" түрмөгүнүн кезектеги санын ушул маекке орун беребиз.
Өткөн айда ооган кыргыздарынын акыркы ханы Рахманкулдун 100 жылдыгы Бишкекте салтанаттуу белгиленди.
Сыйлуу коноктордун арасында азыр Рахманкул хандын эли жашаган Түркиядагы Улуу Памир айылынын башчысы Касымбек Шакир уулу Варол да болду.
Анын алдында Түркияда айыл башчы "Азаттыкка" өз айлындагы кыргыздарынын абалы жөнүндө айтып берген эле.
