Баткен: суу баскан шахтадагы куткаруу иштери
13-августта Баткен районундагы Самаркандек айылына жакын тоо арасындагы бир көмүр кенине беш киши өз алдынча көмүр казууга түшкөн. Алар түшкөндөн көп өтпөй катуу жаандан улам сел жүрүп, 80 метр терендиктеги бул көмүр кенин суу басып калган. Суу толо баштаганда качып чыккан алардын экөөсү айылга кабар берген.
Ошол күнү кечки саат тогуздарда башталган куткаруу иштери али натыйжа бере элек. Куткарууга тартылган 100дөй киши азырынча шахтага толгон сууну сордуруу менен гана алек.
Шахта ичиндеги суу 2 насос менен сыртка сордурулуп жатат.
Былтыр күздө Самаркандек айыл округунун аймагында коопсуздук талаптарына жооп бербейт делген жыйырма чакты шахта жабылган. Ошолордун катарында айылдан 15 чакырымдай Сары-Таш коктутусундагы ушул шахта да жабылган экен.
Мыйзамсыз шахталар жабылганына карабай минтип өмүрүн тобокелге салгандар жок эмес. Жергиликтүү тургундар мунун себебин жумушсуздуктан көрөт: