"Азаттыктын" апта түрмөгүндө Кыргызстандын аймагындагы тоо жаныбарларына, канаттууларга жана ж.б. жапайы жандыктарга аңчылыктын бүгүнкү жагдайы тууралуу кеп кылабыз.
Нарында жапайы аңчылыкка чыккан карапайым эл азайды. Ошол эле убакта кызматына таянып, кайберен атууну кумар кылгандардын катары көбөйүүдө.
Айрыкча чет элдик аңчылар кайберендерге зыян келтирип жатат деген жергиликтүүлөр көзөмөлдүн начардыгына кабатыр. Ал эми жапайы аңчылыкты жөнгө салчу мекемелер мергенчиликке каршы рейддер тынымсыз өтүп жатканын, кармалгандардын арасында жогорку кызматтагылар да бар экенин айтып жатышат.
Сиздин браузер HTML5 ыкмасын колдобой жатат.
Нарын: мыйзамсыз аңчылыктын кесепети
Баткен облусунда миңге жакын атайын уруксаты бар мергенчи катталган. Алардын аракетин көзөмөлдөй турган он гана адис бар. Аңчылыкка кызыккандар мыйзамдан чыкпасын деп түшүндүрүү чаралары да тынымсыз жүрөт. Бирок, жергиликтүүлөр жай тургундарга караганда кызмат адамдары көп мергенчиликке чыгып жаткан учурда катуу көзөмөл зарыл дешет.
Сиздин браузер HTML5 ыкмасын колдобой жатат.
Баткенде миңге жакын мергенчи бар
Жалал-Абадда ача туяктуу жапайы жаныбарларга аңчылык кылууга убактылуу тыюу салынганы менен, иш жүзүндө мораторий иштебей жатканын адистер айтып келишет. Мындан сырткары карышкыр жана чөө сыяктуу жырткыч жаныбарларды атууга бөлүнгөн каражат мергенчилерге жетпей жатат.
Сиздин браузер HTML5 ыкмасын колдобой жатат.
Жалал-Абаддагы "тескери" аңчылык
Ысык-Көл дубанында карышкыр күч болуп, мал-жандыкка кол салууда. Мындан улам облустагы Аңчылык департаментинин өкүлдөрү жергиликтүү мергенчилер менен чогуу карышкыр жана чөөнү атып жатат. Бирок мергенчилер аңчылыкка чыкканда ок-дары, күйүүчү май сыяктуу муктаждыктар кендирди кесип жатканын айтууда.
Сиздин браузер HTML5 ыкмасын колдобой жатат.
Ысык-Көлдө карышкыр күч
Ошто "аңчылар жаратылышка зыяныбызга караганда пайдабыз көп тиет" деп ишендиришүүдө. Маселен, Ош-Баткен мергенчилер коому жыл сайын кийиктерге туз жеткирүү, канаттууларга жем чачуу, көлмөлөргө балыктын уругун таштоо сыяктуу иштерди үзбөй аткарып келатканын айтышат. Мергенчилердин жаратылышка пайда-зыянын кабарчыбыз Ыдырыс Исаков билип келген.
Сиздин браузер HTML5 ыкмасын колдобой жатат.
Жаратылышка пайдасы тийген аңчылар
Жогорку Кеңеште Кыргызстанда жапайы жаныбарларга жана кайберендерге аңчылык кылууга тыюу салган мыйзам долбоору талаш-тартыш жаратып, бир нече жылдан бери колдоо таппай келет. Демилгечилердин бири - “Ата Мекен” фракциясынын депутаты Эмил Токтошев жаңы сунуштап жаткан мыйзам долбоору жөнүндө айтып берди.
Сиздин браузер HTML5 ыкмасын колдобой жатат.
Аңчылык мыйзамынын оош-кыйышы