"Майтарылгыс боордоштук" машыгуусу

ЖККУнун мындай машыгуусу ушуну менен үчүнчү ирээт өтүп жатат. 

Машыгууга алты мамлекеттен 700дөй аскерлер келди. 

ЖККУнун баш катчысы Николай Бордюжа: ЖККУ мындан ары тынчтык орнотуу операцияларына аралаша баштайт.

Кыргызстандын Куралдуу күчтөрүнүн башкы штабынын жетекчиси Асанбек Алымкожоев эл аралык терроризмден чогуу коргонуу зарыл экенин эскертти.

Бул машыгууда тынчтык орнотуу операциясындагы гуманитардык жүктөрдү коштоп баруу, өзгөчө маанилүү объекттерди коргоо, тосмо бекеттерди кайтаруу, туткундарды куткаруу өңдүү багыттар боюнча даярданышат.

ЖККУга алты мамлекет: Кыргызстан, Казакстан, Тажикстан, Орусия, Армения жана Беларус мүчө. Өзбекстан болсо бул уюмдан 2012-жылы чыгып кеткен. 

ЖККУ аскердик-саясий уюм катары 1992-жылы түзүлгөн.