Бишкекте “Акыйкаттык үчүн” деп аталган тынчтык маршы өттү. Марштын катышуучулары алгач Эркиндик бульварына чогулуп, Ала-Тоо аянты көздөй жүрүшкө чыгышты.
Акыйкаттыкты талап кылгандардын акциясы
Акциянын катышуучусу.
Марштын катышуучулары алгач Эркиндик бульварына чогулушту.
“Баштан башта” кыймылынын өкүлү Улан Үсөйүн жүрүштүн уюштуруучусу жарандык коом экенин билдирди жана жарандар мамлекетти көзөмөлгө алганды, талап койгонду үйрөнгөндө гана өлкө өнүгөрүн, өзгөрөрүн белгиледи.
Акциянын катышуучулары “Биз өнүккөн өлкө үчүн!”, “Биз жаркын келечек үчүн!” “Мыйзамдуу өлкө үчүн!” деген ураандарды айтып, бажыдагы коррупция боюнча иштер калыс иликтениши зарыл экенин белгилешти.
Бүгүнкү акцияда "Райым камалсын", "Акыйкат орносун" деген ураандар жаңырды.
"Баштан башта" кыймылы демилге кылган тынчтык марштары 2020-жылдын ноябрынан бери ар жекшемби сайын уюштурулуп келе жатат.