22-июлда Германиянын Мюнхен шаарындагы “Олимпия” соода борборунда атышуу болду. Мюнхен шаардык полициясы кол салуу жергиликтүү убакыт боюнча 21:30да болгонун билдирди.
Мюнхен: "Олимпиядагы" атышуу
Атышуу болгон аймакты полиция курчоого алып, соода борборунан адамдар чыгарылып кетти. Полиция жергиликтүү тургундарды үйлөрүнөн чыкпай сактанып турууга чакырды.
Мюнхендин полиция башчысы Томас Бауманн DPA агенттигине айтканы боюнча, атышуу “Олимпия” соода борборунун ичиндеги тез тамактануучу жайда жергиликтүү убакыт менен саат кечки алтыларда башталган.
Мюнхендин Шаардык транспорт башкармалыгы бир нече автобус, поезд жана трамвай каттамдарын токтотконун билдирди.