"Азаттык" аймактардагы кабарчылар жиберген сүрөт жана видеолор топтомун жарыялоону улантат.
Жалал-Абад
Жаандын кесепетинен 20-июлдун кечинде Токтогул районундагы Үч-Терек айыл аймагындагы кокту-колоттордо сел жүрүп, Саргата айылында 10 турак үйдүн короосун суу каптады. Бул тууралуу Өзгөчө кырдаалдар министрлиги (ӨКМ) кабарлады.
Мындан сырткары ушул эле айылдагы ички чарбалык жолду, көпүрөнү да суу каптады. Жол каттамы ачык, автоунаалар кыйынчылык менен өтүп жатканы айтылды.
Баткен
Баткенде пандемия учурунда жолдорду, арыктарды жана көпүрөлөрдү оңдоо иши токтогон жок.
Баткендин тоо арасындагы Кыштут айылынын тургундары жалпы чыгып айылдын ички жолдорун оңдошту. Бул айылда 12-июль күнү сел жүрүп ички арыктар менен жолдорду жууп кеткен. Жергиликтүү элге демөөрчүлөр жана айыл аймак казынасынан күйүүчү май, техникалар берилди
Жергиликтүүлөрдүн айрымдары жумушчуларга тамак-аш берсе, бири күйүүчү май, техника менен камсыздап, жети чакырымдай жолду оңдоп чыгышты.
Баткен районунун Кыштут айылы.
Ош
Бишкек жана Ош шаарларында ар бири 100 орундуу эки оорукананы куруу иштери ушул аптада башталат. Бул тууралуу 21-июлда премьер-министр Кубатбек Боронов Республикалык ыкчам штабдын жыйынында билдирди.
Премьер-министр белгилегендей, эки шаарда курула турган ооруканалардын орду жана долбоору даярдалууда.
Шах Аббас Али Бишкектеги күндүзгү стационарда.
Чүй
Чүйдө пакистандык ыктыярчынын сабалышына шектүү үч адам кармалды.
Токмоктолгон пакистандык жаран Шах Аббас Али ыктыярчы катары Бишкектеги стационарларда иштеп жаткан.
Ал 19-июлда Кой-Таш айылындагы эс алуучу жайлардын биринин жанынан жергиликтүү тургундар сабап кеткенин айтып арызданган.
Чүй облустук жана Аламүдүн райондук милиция кызматкерлери бул окуяга катышы бар деп Ысык-Ата районунун 31 жаштагы бир тургунун жана Бишкек шаарынын 30 жаштагы эки тургуну кармалганын маалымдады.
Дагы караңыз Чет элдиктерге мамиленин четин көргөзгөн чырБишкек
Мурдагы "Ганси" аба базасында ачылган 600 кишилик "Семетей" госпиталы толбой турат. Себеби кээ бир бейтаптар ал жерден дарыланууну каалабай жатышыптыр. Буга чейин госпиталдагы шарттарга нааразы болуп, ал жердеги абалды видео тасмага тартып, Интернетке жарыялаган адамдар көп болгон. Дарыгерлер госпиталдын шарты алда канча жакшырганын айтып жатышат.
Сиздин браузер HTML5 ыкмасын колдобой жатат.
«Гансиде» уланган жана узаган өмүрлөр
Ыктыярчы Руслан жеке автоунаасына кычкылтек баллонун орнотуп алып, "Тез жардам" кызматын көрсөтүп жатат. Бул тууралуу Эрнест Бөрүбаев "Фейсбуктагы" баракчасына жазды.
Ысык-Көл
Ысык-Көлдө абрикос жана башка мөмө-жемиштерден сырткары кокон гилас өстүргөн багбандар көбөйдү. Азыр багбандар түшүмдү жыйнап гиласты коңшу өлкөлөргө экспортко чыгарып жатат.
Сиздин браузер HTML5 ыкмасын колдобой жатат.
Ысык-Көлгө кокон гилас быша баштады
Европада иштеп жүргөн кыргызстандык дарыгерлер өлкөдө ачылып жаткан күндүзгү стационарлар саламаттык сактоо тармагына түшкөн жүктү жеңилдеткени менен, бир нече күндөн кийин ал жакта дарыланган адамдардан башкаларга жуккан оору бир нече эсе көбөйүшү мүмкүн экенин, мунун алдын алуу жолдорун азыртадан колго алуу зарылдыгын белгилеп жатышат.
Австриядагы Грац шаарынын университеттик клиникасында иштеген, Людвиг Больцман атындагы өпкө тамырларын изилдөөчү институттун доктору Бакытбек Эгемназаров “Азаттык” менен маектешти. Эгемназаров күндүзгү стационарларды иштетүүнүн жол-жобосу, элдин өз алдынча дарылануусунун кесепеттери кандай болору тууралуу айтып берди.
Сиздин браузер HTML5 ыкмасын колдобой жатат.
Күндүзгү стационарлар оорунун очогу болушу мүмкүн
Эскертүү!
«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.