Чек аранын айынан мигрантка айланган үй-бүлө
Сиздин браузер HTML5 ыкмасын колдобой жатат.
Мырзасейит Исаевдин үй-бүлөсү апрель айынын соңунда кыргыз-тажик чек арасында болгон куралдуу жаңжалдан кийин Тажикстандан көчүп келген. Ал азыр Бишкектин четинде батир ижарага алып, үч баласы менен жалданма жумуштарда иштеп жан багып жатат. Кыргызстан менен Тажикстандын чек арасында жашап келген Исаев үйүн жарым жылдан бери көрө элек.
Ушул жылдын 28-апрелинен 1-майына чейин уланган куралдуу жаңжалда Кыргызстан тараптан 36 киши курман болгон, анын экөө бала. 180ден ашуун киши жараат алган. Тажикстан тараптан 19 киши өлүп, 87 киши жарадар болгону расмий кабарланган.