Москва 21-июлда Украинанын Одесса облусундагы дан кампаларына ракета менен сокку урду. Дүйнө коомчулугу бул аракет жакыр өлкөлөрдө кымбатчылыкка себепкер болушу мүмкүн деп камтама болууда.
Эгинге тийген ракета: Одессада дан кампалары күйүп кетти
Одессага 21-июлда Орусия чабуул койгондон кийин дан сакталган кампа күйүп кетти.
Ага чейин Орусия Кара деңиздеги Украинанын экспортко кетчү даны жүктөлгөн кемелерди бутага алган.
Күйүп кеткен кампанын бийиктен көрүнүшү.
Ракета чабуулунан эки киши жараат алды. Техникалар бүлгүнгө учурап 100 тонна буурчак, 20 тонна арпа күйүп кеткенин Одессанын губернатору Олег Кипер билдирди.
Күйүп кеткен айыл чарба курулушунун жанында бара жаткан адамдар.
Кипер Орусия канаттуу "Калибр" ракеталары менен Кара деңиздеги украин кемелерине сокку урганын, айрымдары Одессага да тийгенин билдирди.
Эки ракета дан сакталган кампага тийип өрт чыккан. Үчүнчүсү өрттү өчүрүп жаткан маалда түшкөн.
Талкаланган кампанын ичинде турган жумушчу.
Кыйраган объекттин бийиктен көрүнүшү. Украинанын президенти орусиялык армия Одессадагы объекттерге атайылап сокку урганын билдирди.
"Дүйнө коомчулугу мындан кийин Орусияны терроризм үчүн жоопко тартууга кызыкдар болушу керек", - деди Зеленский.
Дагы бир кыйраган имарат. БУУнун баш катчысы Антониу Гуттериш Орусиянын дүйнөдөгү баага таасир этип, азык-түлүк тартыштыгын жаратчу аракетин айыптады.